Agjencia Zhurnal.mk
Bota

Gazsjellësi amerikan ende jashtë funksionit, pas sulmit kibernetik

Qeveria amerikane lëshoi një masë ligjore të emergjencës pasi tubacioni më i madh i karburantit në SHBA u godit nga një sulm kibernetik që besohet se ishte kryer nga një bandë kriminale. Statusi i emergjencës mundëson transportimin e karburantit përmes transportit rrugor.

Sekretarja e Tregtisë, Gina Raimondo, tha se qeveria federale po punon ngushtë me kompaninë dhe me zyrtarë shtetërorë dhe lokalë për t’u siguruar që tubacioni të kthehet në funksionimin normal.

Kompania Colonial Pipeline tha më 8 maj se ishte viktimë e një sulmi kibernetik dhe ka nxjerrë jashtë funksionit operacionet për të shmangur kërcënimin.

Gazsjellësi transporton rreth 45 përqind të furnizimeve të karburantit të Bregut Lindor të SHBA-së – duke përfshirë benzinë, naftë, karburant dhe vaj për ngrohje në shtëpi – nga rafineritë e Gjirit në Teksasit deri në Nju Jork.

Ekspertët thanë se mbyllja nuk ka gjasa të ketë një ndikim të madh në çmimet e karburantit nëse nuk do të zgjaste më shumë se një javë.

Ndërsa një hetim është ende në fazat e tij të hershme, agjencitë e lajmeve AP dhe Reuters cituan burime anonime pranë hetimit duke thënë se një bandë kriminale e njohur si DarkSide besohet të jetë prapa sulmit.

Institucionet dhe kompanitë amerikane kanë qenë disa herë në shënjestër të sulmeve kibernetike për të cilat janë fajësuar organizatat e lidhura me Rusinë.

Postime të ngjashme

Britania mund të shtyjë heqjen e masave kundër koronavirusit

Bekim Laçi

Putin: Gati të ekstradojmë të gjithë hakerat nëse edhe SHBA bën një gjë të tillë

Bekim Laçi

Mbretëresha Elisabeth pret presidentin Biden për çaj

Bekim Laçi

Biden për herë të parë në një samit të NATO-s

Bekim Laçi

Betohet qeveria e re izraelite, nëntë gra ministre

Bekim Laçi

Zviceranët votojnë kundër masave për ndryshimet klimatike

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...