Agjencia Zhurnal.mk
Maqedoni

Geer: Të gjithë duam fillim të negociatave sa më shpejtë të jetë e mundur

Shkup, 23 qershor – Të gjithë dëshirojmë të shohim hapjen e negociatave sa më shpejt të jetë e mundur, por duhet të qëndrojmë me kokë të pastra. Bazat nuk kanë ndryshuar, angazhimet nga Selaniku janë të qarta dhe të gjalla. Rajoni i Ballkanit Perëndimor është pjesë e Evropës, e kaluara, e tashmja dhe e ardhmja e saj janë të lidhura me BE-në dhe është logjike që e ardhmja e saj të jetë në BE. Mos të harrojmë se ky është një qëllim strategjik i BE-së, tha sot ambasadori i BE-së, Dejvid Gir, në Forumin e parë Ekonomik të Shkupit.

Përpjekjet e presidencës së BE-së për ta kapërcyer situatën aktuale, theksoi Gir, kanë bërë një punë të rëndësishme dhe tani, theksoi ai, të gjithë duhet të mbetemi të angazhuar.

“Meqenëse ne gjithmonë u bëjmë thirrje qeverive për t’i zgjidhur problemet dypalëshe, duhet t’i njohim edhe përpjekjet e sinqerta që janë bërë në të kaluarën. Përparimi është bërë, por puna duhet të vazhdojë sa më shpejt të jetë e mundur dhe detyra tani do t’i dorëzohet presidencës sllovene për të ecur përpara dhe për të zgjidhur këto çështje në mënyrë që të hapen negociatat sa më shpejt të jetë e mundur,” deklaroi Gir.

Kjo, theksoi Gir, nuk duhet të ndikojë në reformat, sepse rruga për në BE është një rrugë e reformave dhe me zbatimin e tyre së pari – Maqedonia e Veriut i afrohet më tej BE-së dhe së dyti – me vetë hapjen e negociatave çdo reformë e ndërmarrë hap rrugën për anëtarësim të plotë më të shkurtër.

“Reformat nuk janë vetëm në interes të BE-së, por edhe në interes të qytetarëve, për një vend më të sigurt, më të prosperuar dhe demokratik, si dhe për të parandaluar daljen e të rinjve. Asnjë vend nuk mund të lejojë të mos vazhdojë me reformat në këtë botë, ku kemi një revolucion të gjelbër dhe vendet e punës duhet të përshtaten me nevojat aktuale, ku duhet t’i shfrytëzojmë sa më shumë mundësitë digjitale dhe t’i integrojmë ekonomitë në ekonominë e BE-së”, theksoi Gir.

Maqedonia e Veriut, vazhdoi Ambasadori i BE-së, ka bërë përparim të rëndësishëm në reformat të tilla si sundimi i ligjit, lufta kundër korrupsionit, demokracia dhe marrëdhëniet e mira fqinjësore.

“Bashkimi Evropian është këtu dhe unë ju ftoj të vizitoni çdo qytet ose fshat në vend dhe do të shihni mbështetjen për BE-në, pothuajse në çdo sektor. Ne jemi këtu dhe do të vazhdojmë të mbështesim. Më shumë se 100 milionë euro ndihmë shpenzohen çdo vit për të mbështetur proceset e reformave në Maqedoninë e Veriut. Kur BE bënte plan për t’u rikuperuar nga pandemia, ajo e përfshiu edhe Ballkanin Perëndimor, duke vendosur në tryezë një plan ekonomik dhe investimesh për rimëkëmbjen e rajonit”, deklaroi Gir.

Shifrat ekonomike, theksoi, tregojnë se sa e madhe është ndërlidhja.

“Rreth 68 për qind nga shkëmbimi i rajonit është me BE-në, si dhe 60 për qind e investimeve të huaja direkte,” theksoi Gir.

Postime të ngjashme

Deri në tre orë pritje në kufirin Serbi-Maqedoni! Mërgimtarët ankohen: Kjo është e tepërt

D V

Këto vendime solli kryesia qendrore e ASH-së

D V

Bexheti në mbështetje të vlerave kulturore e artistike

D V

Mersel Bilalli: Në duart e Besës është “çelësi i qeverisë”

D V

Ohri mbeti në listën e UNESCO-s, do të jetë nën mbikëqyrje të rreptë

D V

U harxhuan miliona, por shatërvanët në qendër të Shkupit nuk punojnë!

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...