Agjencia Zhurnal.mk
Sport

Gerrard e kritikon ashpër Chelsean përse ia shkarkoi mikun e ngushtë Lampard

Trajneri i Rangers dhe legjenda e Liverpoolit, Steven Gerrard, e ka kritikuar ashpër Chelsean për shkarkimin e Frank Lampardit nga posti i trajnerit, por e ka pranuar se nuk është habitur kur e ka kuptuar se ish-bashkëlojtari i tij në Kombëtaren e Anglisë e kishte humbur punën.

Legjenda e të kaltërve u shkarkua nga posti i trajnerit të Chelseat të hënën, 18 muaj pasi u emërua pas vendimit të klubit për t’i ndarë rrugët me Maurizio Sarrin.

Pavarësisht statutit të legjendës së klubit dhe golashënuesit më të mirë në historinë e klubit, Lampard nuk ishte imun ndaj stilit emëro-shkarko të pronarit Roman Abramovich.

Chelsea ishte lider i Premierligës në fillim të sezonit, por një ecuri e rezultateve të dobëta bëri që të bjerë në pozitën e nëntë dhe kjo e pati për pasojë shkarkimin e Lampardit.

Gerrard thotë se ndihet i trishtuar dhe zhgënjyer për Lampardin, si dhe nënvizon se ai meritonte më shumë kohë.

Trajneri i Rangers tha: “Jam i trishtuar për Frankun, një mik i imi dhe një njeri për të cilin kam respekt shumë të madh. Por duke e njohur atë, e di që do të rikthehet sa hap e mbyll sytë.”

“Jam i zhgënjyer për të. Mendoj se u shkarkua shumë shpejt edhe pas një rezultati pozitiv në fundjavë. Nuk i di detajet dhe marrëdhëniet e tij me klubin”.

Ai shtoi: “Mendoj se kjo ishte një mundësi e mirë për Chelsean për ta ndihmuar atë gjatë një periudhe të vështirë shkaku i rezultateve të dobëta, e jo ta shkarkonte. Por Chelsea njihet historikisht për këtë, prandaj nuk çuditem”.

Postime të ngjashme

Martohen dy gjyqtarët e famshëm, Howard Webb dhe Bibiana Steinhaus

Z H

Edhe pse pa faj, Ibrahimoviç shpëton vetëm me 1 ndeshje mos lojë

Z H

Ramos rezulton pozitiv ndaj Covid

Z H

NBA/ Curry parakalon legjendën Chamberlain, bien Lakers

Z H

Man Utd dhe Juventus konsiderojnë shkëmbimin Pogba – Ronaldo

Z H

Mbrojtësi i Bajernit beson në përmbysje të rezultatit në Paris

Z H

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...