Agjencia Zhurnal.mk
Kosovë

Gërvalla: Lista “Guxo” do të regjistrohet si subjekt politik i qendrës së djathtë

Ministrja e Punëve të Jashtme, Donika Gërvalla, ka thënë që Lista ‘Guxo’ e Vjosa Osmanit do të regjistrohet si parti në vete dhe nuk do të shkrihet në Lëvizjen Vetëvendosje.

“Nga kjo listë do të rezulton një subjekt i ri politik i qendrës së djathtë. Do ta regjistrojmë, nuk është vetëm regjistrimi, ne duhet të organizojmë njëherë degët tona dhe pastaj vjen momenti kur bëjmë një mbledhje solemne në Prishtinë, bëjmë zgjedhje”, tha Gërvalla.

Sipas saj, ky proces nuk do të bëhet së shpejti pasi që merr kohë.

“Unë nuk pres që kjo të jetë shumë shpejt, sepse kërkon goxha punë dhe kohë, por nuk e pres në një afat shumë të afërt”, theksoi ajo.

Gërvalla në Rtv Dukagjini ka folur edhe për mundësinë që ajo të udhëheqë këtë parti.

“Unë mendoj që së bashku me kolegët e tjerë ne do ta udhëheqim këtë listë, se si, qysh, tek, ne kemi vendosur që t’i nënshtrohemi votës së fshehtë. Prandaj asnjëri nga ne që mbetemi pas largimit të Osmanit nuk e përjashtojmë këtë opsion”, shtoi ajo.

Lista ‘Guxo’ e Vjosa Osmanit së bashku me Lëvizjen Vetëvendosje janë renditur të parët në zgjedhjet e 14 shkurtit, me 438 mijë e 335 vota apo 50,28 për qind.

Postime të ngjashme

Protestojnë infermierët të punësuar për nevoja të pandemisë, nuk u vazhdohet kontrata

Bekim Laçi

Kosovarët janë populli më bamirës në Ballkan dhe ndër 10 popujt më bujar në botë

Zekirija Haxhiu

Emërohet u.d i Drejtorit të Klinikës Infektive

Bekim Laçi

Në Ditën Botërore të Refugjatëve, përurohet Qendra e rinovuar e Azilit

Bekim Laçi

Mblidhet sot kryesia e Kuvendit

Bekim Laçi

Monitorimi i trafikut me dron nga Policia e Kosovës, jep rezultate

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...