Një shtëpi është kapluar nga zjarri në fshatin Ujz të Gjakovës, policia për këtë rast është informuar rreth orës 10:00 dhe menjëherë kanë dalë të gjitha njësitet e nevojshme në vendin e ngjarjes.
Policia ka konfirmuar për lajmi.net se zjarri është në zhvillim e sipër, teksa në një nga dhomat e shtëpisë dy katëshe kanë qenë dy fëmijë 10-13 vjeç, djem të axhës mes vete.
Lumni Graishta, drejtor në Policinë Rajonale të Gjakovës, tha se tashme mjeku e ka konstatuar se të miturit kanë vdekur.
“Mjeku e ka se fëmijët kanë vdekur si shkak i zjarrit. Fëmijët janë të gjinisë mashkullore, 10-13 vjeç”, tha Graishta.
Në vend ngjarje është policia, zjarrfikësit dhe mjekësia ligjore.
Ende nuk dihen shkaqet e zjarrit.
