Agjencia Zhurnal.mk
Kosovë

Gjatë arrestimit, Jakup Krasniqi kishte provuar ta përdorte telefonin, oficerët ia kishin larguar nga dora

Prishtinë, 21 nëntor, Zhurnal-ks –  Gjykata Speciale ka publikuar raportin e arrestimit të ish kryetarit të Kuvendit të Kosovës, Jakup Krasniqi.

Krasniqi ishte arrestuar mëngjesin e 4 nëntorit në shtëpinë e tij.

Në raport, tregohet se derisa oficeri ia arrestimit po ia lexonte Krasniqit të drejtat e tij si i arrestuar, ai kishte kapur telefonin dhe po bënte diçka me të.

“Ndërsa oficeri i arrestimit po lexonte të drejtat e tij z. Krasniqit, një oficer i SPO-së vërejti se z. Krasniqi dukej se po bënte diçka me një telefon celular në dorë. Zyrtari i SPO-së e informoi z. Krasniqi se ai nuk duhet të përdorte telefoni i tij në atë kohë dhe (i veshur me doreza) ia hoqi”, thuhet në raportin e arrestimit.

Tutje në raport thuhet se Krasniqi iu ishte kujtuar se është nën arrest dhe nuk i lejohet përdorimi i telefonit.

Mirëpo, ish kryetari i Kuvendit ishte ankuar duke thënë se kjo nuk është mënyra e duhur për të ia marrë telefonin.

“Kjo nuk është mënyra e duhur për të ma marrë telefonin nga dora dhe për ta bërë këtë”, citohet të ketë thënë Krasniqi.

Ai ishte siguruar nga oficeri i arrestimit se ankesa e tij për këtë çështje do të shënohet.

Krasniqi kishte refuzuar fillimisht të kishte avokat, gjatë kohës sa po kryhej bastisja, mirëpo familjarët kishin njoftuar oficerët se një avokat është duke ardhur në vend të ngjarjes.

Jakup Krasniqi ishte arrestuar mëngjesit e 4 nëntorit në shtëpinë e tij në Prishtinë.

Postime të ngjashme

Shefqet Krasniqi infektohet me COVID-19

Dafina Vidishiqi

‘Fyerje, provokime dhe tone të larta gjatë takimit Kurti-Vuçiq në Bruksel’

Dafina Vidishiqi

Limaj për takimin e Kurtit me Vuçiq: I shkeli premtimet

Dafina Vidishiqi

Mustafa: Çështjen e Kosovës nuk e zgjidhin as katër apo 400 propozime të Kurtit, pa SHBA-të është askushi në dialog

Dafina Vidishiqi

Vuçiq kërkon hapjen e arkivave të UÇK-së

Dafina Vidishiqi

Ferdonije Qerkezi mirëpret dialogun për të pagjeturit: Pa bisedime asgjë nuk mund të bëhet

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...