Agjencia Zhurnal.mk
Bota

Gjermani/ Qeveria jep ‘OK’: Lehtësime për të vaksinuarit dhe shëruarit nga covid-19!

Pas Bundestagut dhe Këshilli Federal gjerman miratoi kërkesën e qeverisë për lehtësimin e masave për personat e vaksinuar dhe të shëruar nga koronavirusi, çka do të thotë se për këta persona hiqet e ashtuquajtura frena e emergjencës.

Dhoma e landeve dha dritën jeshile për rregulloren federale, e cila mund të hyjë në fuqi gjatë fundjavës. Argumenti kryesor i qeverisë është se, sipas Institutit Robert Koch (RKI), këto grupe njerëzish nuk paraqesin më rrezik për infektimet dhe përhapjen e sëmundjes.

Në Gjermani ekziston aktualisht një ndalim qarkullimi në nivel federal nga ora 22:00 e në disa lande në orën 21:00. Detyrimi për të mbajtur maskë në vende të caktuara dhe kërkesa për distancë në hapësirat publike duhet të vazhdojë megjithatë të zbatohet.

“Suksesi i vaksinimeve nuk do të thotë që ne mund të jemi të pakujdesshëm”, theksoi të martën Ministrja Federale e Drejtësisë, Christine Lambrecht. Pandemia ende vazhdon dhe ekziston një rrezik individual i infektimit edhe për personat e vaksinuar dhe të shëruar nga covid-19, shtoi ajo.

Rregullorja bazohet në Ligjin për Mbrojtjen nga Infektimet, i cili parashikon një frenë emergjente në të gjithë Gjermaninë, në vendet ku incidenca e infektimeve kalon 100 në 100.000 banorë brenda shtatë ditësh. Shoqata Gjermane e Qyteteve sakaq ka kërkuar që të ketë më shumë lehtësime edhe për personat e testuar me një rezultat negativ ndaj koronavirusit.

Postime të ngjashme

Biden zyrtarisht firmos si festë zyrtare ditën që përkujton fundin e skllavërisë

Dafina Vidishiqi

Italia lanson “pasaportën e vaksinës” të BE-së, planifikon për të hequr detyrimin për mbajtje të maskës

Dafina Vidishiqi

Shkarkohet ministri malazez që mohoi gjenocidin serb në Bosnje

Dafina Vidishiqi

Parlamenti i Malit të Zi votoi Rezolutën mbi Srebrenicën

Dafina Vidishiqi

Dhoma e Përfaqësuesve voton për t’i dhënë fund autorizimit për luftën në Irak

Dafina Vidishiqi

Amerika do të investojë 3.2 miliardë dollarë për të zhvilluar tableta kundër COVID-19

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...