Agjencia Zhurnal.mk
Bota

Gjermania dëbon dhjetëra azilkërkues

Një grup prej 30 azilkërkuesve, të cilëve u ishte refuzuar qëndrimi në Gjermani kanë mbërritur në Kabul. Ata ishin deportuar nga Gjermania, thanë zyrtarët nga ministria afgane e Refugjatëve dhe Riatdhesimit më 17 dhjetor.

Një total prej 937 azilkërkuesve janë dërguar nga Gjermania në Afganistan që nga dhjetori i vitit 2016 përmes 34 fluturimeve. Fluturimi i parafundit i dëbimit nga Gjermania ndodhi në muajin mars.

Vendet e tjera anëtare të Bashkimit Evropian gjithashtu kanë rinisur fluturimet e dëbimit. Një aeroplan me 11 migrantë të dëbuar nga Austria dhe Bullgaria u ul në Kabul më 16 dhjetor. Grupet e të drejtave të njeriut kanë kritikuar deportimet, duke thënë se Afganistani, i shkatërruar nga dekada të luftës, është shumë i rrezikshëm për t’i kthyer azilkërkuesit përsëri. Pavarësisht nga fillimi i bisedimeve të paqes midis qeverisë së Kabulit dhe militantëve në shtator, konflikti vazhdon dhe situata e sigurisë po përkeqësohet.

Ka sulme të përditshme nga talibanët dhe militantët e Shtetit Islamik, të cilat po u shkaktojnë dëme civilëve në këtë vend.

Më 16 dhjetor, zyrtarët afganë thanë të paktën 13 oficerë policie u vranë në një sulm në një pikë kontrolli sigurie në provincën veriore të Baghlan. Misioni i Kombeve të Bashkuara në Afganistan (UNAMA), thotë se 5.939 viktima civile – 2.117 njerëz të vrarë dhe 3,822 të plagosur – u regjistruan në nëntë muajt e parë të këtij viti.

Pandemia e koronavirusit e ka përkeqësuar më shumë situatën, në një nga vendet më të varfra të botës. Kombet e Bashkuara paralajmëruan se 5 milionë afganë do të kenë nevojë për ndihmë vitin e ardhshëm për shkak të pandemisë së COVID-19 dhe rritjes së konflikteve.

“Fondet e ndihmës janë të nevojshme urgjentisht”, tha zyrtari i lartë për Çështjet Humanitare, Ramesh Rajasingham, në një konferencë për media më 15 dhjetor.

Statistikat e Kombeve të Bashkuara tregojnë se këtë vit rreth 300.000 njerëz janë detyruar të largohen nga konflikti në Afganistan.

Postime të ngjashme

Mbi 300 persona të akuzuar për sulmin në Kongresin amerikan

T E

Raporti që vë në alarm Italinë: Rreziku nga Covid-19 është rritur, nevojiten masa të reja

T E

Synohet të ulet me 10% të dendësia mesatare e ndotjes së ajrit

Bexhet Musliu

Intensifikohet kërkimi në fushën e qarqeve të integruara

Bexhet Musliu

Dhoma e Përfaqësuesve miraton ndihmën prej 1.9 trilion dollarësh

T E

Greqia “blindon” Kakavijën, shtrëngohen masat për tu futur në këtë vend

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...