Gjermania ka rihapur ambasadën e saj në Damask, 13 vjet pasi ajo u mbyll në fazën e hershme të luftës civile në Siri.
Ministrja e Jashtme, Annalena Baerbock rihapi misionin gjatë një vizite në kryeqytetin sirian, udhëtimi i saj i dytë në vend që nga rënia e ish-presidentit Bashar al-Assad në dhjetor, përcjell Telegrafi.
Në një deklaratë të publikuar në faqen e internetit të Ministrisë së Jashtme, Baerbock tha se udhëtimi i saj synon të rinovojë mesazhin se “një fillim i ri politik midis Evropës dhe Sirisë, midis Gjermanisë dhe Sirisë është i mundur”.
Por ajo shtoi se kjo vjen me “pritshmëri të qarta se ka liri, siguri dhe mundësi në Siri për të gjithë njerëzit – për gratë dhe burrat, për njerëzit që u përkasin të gjitha grupeve etnike dhe feve”.
Përleshjet në fillim të këtij muaji midis luftëtarëve besnikë ndaj forcave të al-Assadand të sundimtarëve të rinj të vendit shkaktuan dhunën më të keqe që nga lufta civile, duke lënë të vdekur rreth 1,000 njerëz, shumica e të cilëve anëtarë të pakicës alavite.