Gjermania shënon 60-vjetorin e ndërtimit të Murit të Berlinit

Gjermania do të shënojë 60-vjetorin e nisjes së ndërtimit të Murit të Berlinit, i cili ka ndarë kombin në dy sisteme rivale politike dhe është bërë simbol i Luftës së Ftohtë, duke ekzistuar për 28 vjet.

Presidenti gjerman, Frank-Walter Steinmeier dhe kryetari i Berlinit, Michael Mueller, pritet të marrin pjesë më 13 gusht në ceremoninë në Berlin, që shënon këtë përvjetor.

Ata do të vizitojnë vendin përkujtimor të Murit të Berlinit, ku besohet se rreth 140 persona janë vrarë nga gardat kufitare të Gjermanisë Lindore, teksa kanë tentuar të ikin drejt Perëndimit.

Ndërtimi i Murit ka nisur më 13 gusht 1961, kur ushtarët e Gjermanisë Lindore kanë nisur të shtrijnë më shumë se 40 kilometra tela me gjemba dhe beton, në atë që është konsideruar mbrojtje për të parandaluar hyrjen e fashistëve në Berlinin Lindor.

Muri ka qenë 3.6 metra i lartë dhe ka rrethuar pjesën e ish-Bashkimit Sovjetik në kryeqytetit gjerman, i cili, ashtu si vetë Gjermania, ishte ndarë midis Shteteve të Bashkuara, Britanisë, Francës dhe ish-Bashkimit Sovjetik pas Luftës së Dytë Botërore.

Muri është rrëzuar përmes një revolucioni në lindje, në nëntor të vitit 1989, duke i hapur rrugë bashkimit të Gjermanisë.

Related posts

Tornado e fuqishme shkatërroi një ishull në Itali, të paktën dy të vdekur

D V

Zgjerohet sipërfaqja e ishullit La Palma në Spanjë, pasi lava e vullkanit derdhet në det

D V

Navalny e quan Putinin “gënjeshtar”

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More