Agjencia Zhurnal.mk
Bota

Gjermania shënon nivelin më të ulët të imigracionit brenda dekadës

Numri i të huajve në Gjermani u rrit me 1.8 për qind në vitin 2020.

Sipas Zyrës Federale të Statistikave, kjo është rritja më e vogël në dhjetë vitet e fundit.

Në Gjermani janë regjistruar një shumë totale prej 11.4 milionë persona pa pasaportë gjermane.

Numri i të huajve në Gjermani u rrit me 1.8 për qind apo 204 mijë vitin e kaluar krahasuar me një vit më parë.

Rritja e lehtë në vitin kur filloi pandemia COVID-19 lidhet me një rënie në imigracionin neto: regjistri qendror i të huajve regjistroi vitin e kaluar 740 mijë të huaj të ardhur dhe 479 mijë të huaj që ishin larguar vitin e kaluar. Nga kjo rezulton një imigrim neto prej rreth 262 mijë persona për vitin 2020. Në vitin 2019, u regjistruan 923 mijë të ardhur dhe 547 mijë të larguar.

Sipas informacionit, në fund të vitit 2020 jetonin në Gjermani rreth 107 mijë ose 2.2 për qind më shumë të huaj nga vendet e Bashkimit Evropian sesa një vit më parë. Shkalla e rritjes ishte kështu në nivelin e vitit të kaluar, me 2.3 për qind.

Rritja e popullsisë së huaj nga vendet jashtë BE-së, nga ana tjetër, më shumë se u përgjysmua në krahasim me vitin e kaluar. Ajo u ul nga 3.3 për qind në vitin 2019 në 1.5 për qind në vitin 2020. /Deutsche Welle/

Postime të ngjashme

Gjykata e Karolinës së Jugut ndalon dy ekzekutime derisa “skuadra e pushkatimit të jetë në dispozicion”

Dafina Vidishiqi

Vdes themeluesi i shtetit të Zambisë, ish-presidenti Kaunda

Dafina Vidishiqi

Merre vaksinën, fito dhuratë – kështu po i nxit Hong Kongu qytetarët të vaksinohen

Bekim Laçi

Navalny e quan Putinin “gënjeshtar”

Bekim Laçi

Erdogan: I thashë Bidenit që Turqia s’heq dorë nga sistemi rus, S-400

Bekim Laçi

Pas takimit Biden – Putin, ambasadori rus kthehet në Uashington javën tjetër

Bekim Laçi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...