Përdoruesit e TikTok po flasin për “gjuhën e martesës”. Me mbi 33 milionë shikime të numëruara, hashtag-u #MarriageLanguage është sfida më e fundit virale të TikTok.
Çfarë është sfida #GjuhaeMartesës?
Shumë çifte po ndajnë në TikTok emërtime të pazakonta ndaj objekteve apo personave të ndryshëm, të cilat i përdorin vetëm me njëri-tjetrin.
Një rol të madh zënë edhe emërtimet e ushqimeve, si çifti që i quan pjeshkët “fruta të plaçkës” ose ai për të cilin rrushi është “gape”, pula është “snicken”, pica është “pisha”, bajamet janë “aljohns” dhe djathi i pjekur është “smeeze e pjekur në zgarë.” Për një tjetër, uji është ” wawaneesa “. Dhe pastaj vjen çifti që thjesht i referohen karkalecave si “wewe”.
Këto emra të pazakontë, në dukje pa sens, në fakt sipas eksperëve e kanë një shpjegim.
Megjithëse emërtimet janë të panjohura, praktika e gjuhës së martesës nuk është, sipas Valerie Fridland, PhD, sociolinguiste dhe autore e “Like, Literally, Dude: Arguing for the Good in Bad English”.
“Gjithmonë kemi gjetur se njerëzit afrohen me njëri-tjetrin përmes zakoneve të tyre gjuhësore. Sa më shumë kohë kalojnë me njëri-tjetrin, aq më shumë komunikimi i çifteve ngjason”, shpjegon Fridland.
“Gjuha është një tipar themelor i lidhjes, kështu që ka kuptim të plotë që ta përdorim atë në zakonet tona në një marrëdhënie dashurie.”
A e gjeni dhe ju veten në këtë trend, apo jeni pjesë e një çifti që flet rrjedhshëm dhe pa kode?
Dhe përtej tingullit të lezetshëm, a mund të shprehë ky komunikim i përbashkët diçka më të thellë për lidhjen tuaj? Tre ekspertë të shpjegojnë se çfarë e përcakton gjuhën e martesës, nga vjen dhe çfarë thotë ajo për marrëdhënien tuaj.
Çfarë është gjuha e martesës?
Gjuha e martesës nuk është një kod sekret, por është një seri nofkash në dukje të pakuptimta, shaka të brendshme dhe fraza të deshifrueshme vetëm nga ju të dy. Dhe veçanërisht, nuk duhet të jesh i martuar për të “krijuar” gjuhën e martesës.
“Një element i shumë marrëdhënieve të shëndetshme , të martuar ose jo, është një mënyrë e veçantë e komunikimit,” thotë Cara Gardensëartz, PhD, një psikologe klinike dhe themeluese e Group Therapy LA/NY. “Ka të bëjë më shumë sesa thjesht të kesh një formë të shkurtër për një fjalë. Është një mënyrë për të thënë, ne njohim njëri-tjetrin, kuptohemi. Është bashkim emocional.”
Edhe pse nuk ka asnjë “pikë” të caktuar në një marrëdhënie kur dy njerëz fillojnë të flasin këtë gjuhë të përbashkët, ajo zakonisht zhvillohet së bashku me vetë marrëdhënien: “Në përgjithësi, sa më shumë kohë të kaloni së bashku, aq më shumë gjasa ka që të zhvilloni këtë lloj gjuhe sekrete,” shpjegon Gardenswartz.
Nga vjen gjuha e martesës?
Por nga lindin të tilla fjalë që shpesh herë duken mjaft të natyrshme dhe familjare?
“Shumë herë janë gjërat që kemi thënë si fëmijë, kështu që ata kanë atë pafajësinë e ëmbël dhe të pambrojtur të një fëmije. Është e zakonshme që ne sjellim gjëra nga fëmijëria në marrëdhëniet tona të dashurisë”, thotë Fridland.
Në këtë mënyrë, fjalët që kemi thënë gabim, por lezetshëm, gjatë fëmijërisë, mund të jenë pjesë e gjuhës martesore: “Përsëri, është fëmijërore, kështu që ngjall të njëjtën ëmbëlsi dhe dobësi.”
Për çiftet që janë gjithashtu prindër, gjuha e tyre e martesës mund të jetë gjithashtu fraza që ata marrin nga fëmijët e tyre.
Gjuha e martesës gjithashtu shpesh mund të burojë nga gabime verbale ose emërtime të gabuara. “Shumë herë janë frazat të cilat i shqiptoni gabim dhe krijoni situata qesharake,” shpjegon Fridland.
Si mund të ndikojë pozitivisht gjuha e martesës në marrëdhënien tuaj?
Fjala që të tre ekspertët i riktheheshin vazhdimisht është intimiteti. “Kjo teori mbart shumë intimitet, sepse është një mënyrë argëtuese dhe e fshehtë për të komunikuar,” thotë Dr. Terri Orbuch, PhD, terapist:“Në një kontekst seksual, gjuha e martesës gjithashtu mund të nxisë pasionin në raportin tuaj,” shton Orbuch.
Nëse keni një gjuhë martese që ndikon në pasionin tuaj dhe dëshironi t’i tregoni partnerit se dëshironi një moment intim me të, mund të përdorni një kod të veçantë për të dërguar një mesazh të qartë.
Nëse po rrotulloni sytë duke e lexuar këtë, sepse gjuha e martesës ju duket e frikshme, është krejtësisht normale. Çiftet e lumtura nuk kanë domosdoshmërisht një fjalor sekret! Shanset janë, nëse njëri prej jush flet gjuhën e martesës, tjetri do ta flasë gjithashtu.
A është ndonjëherë një ide e keqe gjuha e martesës?
Nëse nuk dëshironi të jeni ai çifti që bezdis të gjithë të tjerët duke përdorur këtë komunikim me njëri-tjetrin në prezencën e të tjerëve gjatë një darke, mbajeni gjuhën e martesës vetëm kur jeni nën shoqërinë e partnerit
“Është e papërshtatshme dhe ndoshta do t’i bëjë njerëzit të ndihen të bezdisur”, shprehen ekspertët.”
Fridland thekson se: “E gjithë arsyeja pse ky komunikim funksionon pozitivisht është sepse është privat.”
Megjithatë, Fridland sqaron pse kaq shumë çifte po tregojnë sekretet e gjuhës së martesës me audiencën e gjerë në TikTok.
“Të gjithë duam të shohim se të tjerët janë si ne. Kur shikojmë këto lloj gjërash si gjuha e martesës, mund të kuptojmë se këta emra janë mjaft argëtues nga një këndvështrim i jashtëm. Edhe pse ndihen shumë intime dhe të ëmbël nga pikëpamja e brendshme, kur shikojmë njerëzit e tjerë, mund të themi, na bën të ndihemi mirë që jemi të lidhur me të tjerët me të njëjtën sjellje të çuditshme.”