Maqedoni

Gjuha shqipe në institucione është shtyllë e ardhmërisë sonë kombëtare dhe fetare

Zhurnal Ads

Shkup, 13 tetor – Të martën më datë 13.10.2020 Kreu i Bashkësisë Fetare Islame të Republikës së Maqedonisë së Veriut, H. Hfz. Shaqir ef. Fetai e priti në zyrën e tij në Rijaset, Drejtorin e Agjencisë së zbatimit të gjuhëve Prof. Dr. Ylber Sela i shoqëruar nga bashkëpunëtorët e tij z. Shaqir Islami – Këshilltar i Drejtorit dhe z. Besian Pollozhani.

Gjatë këtij takimi Kreu i BFI H. Hfz. Shaqir ef. Fetai u tregoi mysafirëve të respektuar për praktikën e shumë gjuhësisë cila vite të tëra praktikohet në Bashkësinë Fetare Islame, duke i respektuar të gjitha popujt e vendit që janë besimtarë të islamit, duke ua mundësuar përdorimin e gjuhës amtare çdo populli në vendin tonë.

Nga ana tjetër. Prof. Dr. Ylber Sela i shprehu urimet e tij dhe të Agjencisë të cilën ai e drejton, Kreut të BFI për postin e ri, duke i dëshiruar shumë sukses në punë dhe në drejtimin e BFI dhe në të njëjtën kohë i dhuroi Kryetarit të BFI një doracak të Agjencisë në fjalë rreth mënyrës së aplikimit të dygjuhësisë në institucionet shtetërore.

Edhe Kreu i BFI H. Hfz. Shaqir ef. Fetai i dëshiroi suksese në udhëheqjen e Agjencisë për zbatimin e gjuhëve që në të vërtetë është një nder i madh, por njëkohësisht edhe përgjegjësi e lartë.

Më pas të dyja palët këmbyen mendime rreth shumë çështjeve, në veçanti rreth zbatimit të gjuhëve në Republikën e Maqedonisë së Veriut dhe konstatuan se zbatimi i dygjuhësisë, në veçanti e gjuhës shqipe në institucione është shtyllë e ardhmërisë sonë kombëtare dhe fetare, prandaj në këtë frymë, u ra dakord që bashkëpunimi mes këtyre dy institucioneve të vazhdojë edhe në të ardhmen.

https://www.facebook.com/bfinmk/posts/10158491648384627

Postime të ngjashme

Të infektuarit nga coronavirusi do të marrin pagë të plotë deri sa janë në pushim mjekësor

XH,I

Ministrat e Shëndetësis nga vendet e Procesit të Berlinit koordinohen për ballafaqim me coronavirusin

admin

Janë pranuar 51 mjekë të rinjë për të luftuar Covid 19, paga 30 mijë denarë

Z H
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...