Agjencia Zhurnal.mk
Bota

Gjukanoviq: Serbia e viteve 1990 çfarë bëri në Kroaci, Bosnjë dhe Kosovë, të njëjtën po ia bën edhe Malit të Zi

Presidenti i Malit të Zi, Millo Gjukanoviq, ka akuzuar Serbinë se po punon me këmbëngulje në favor të dëmtimit të vendit të tij, duke thënë se Beogradi zyrtar i viteve 1990 çfarë bëri në Kroaci, Bosnjë dhe Hercegovinë dhe Kosovë, të njëjtën po ia bën edhe Malit të Zi.

Ai këto komente i bëri duke iu përgjigjur pyetjeve të gazetarëve nga rajoni në Forumin e Pestë të Gazetarëve, raporton RTCG.Gjukanoviq ka thënë se fryma e urrejtjes drejt Malit të Zi është rritur, e cila është arsyeja pse sot marrëdhëniet midis dy vendeve janë në nivelin më të ulët të mundshëm.“Serbia po punon tepër fort në dëmin tonë.

Nuk ka nevojë ta provoj, unë kam qenë aktor në jetën politike për 30 vjet, ndoqa vitet 1990, planin Z-4 të ofruar për Kroacinë, planet e ofruara për Bosnjën, Rambuje për Kosovën, të gjitha këto u refuzuan me arrogancë, vrazhdësi dhe nxitim. E gjitha përfundoi në humbje serioze për Serbinë dhe për ata që ishin krijuesit e një politike të tillë në Serbi, dhe fatkeqësisht për të tjerët, kështu që nuk dyshoj se kjo politikë sot po realizohet ndaj Malit të Zi”, tha Gjukanoviq.

“Unë u thashë bashkëbiseduesve të mi në Beograd kur filloi, me rastin e Ligjit (Malit të Zi) për Lirinë e Fesë. Unë u thashë se i mbaj në mend vitet 1990. Ajo frymë urrejtjeje nuk mund të kontrollohej më. Sot, i njëjti gabim përsëritet, urrejtja po mbillet ndaj Malit të Zi dhe gjithçka që është malazeze. Kjo do të përkeqësojë në mënyrë të pariparueshme marrëdhëniet midis dy vendeve tona”, tha Gjukanoviq.

Postime të ngjashme

Zviceranët votojnë kundër masave për ndryshimet klimatike

Dafina Vidishiqi

A është Turqia ende një aleat i besuar i NATO-s?

Dafina Vidishiqi

Biden: Nuk po kërkoj konflikt

Dafina Vidishiqi

Netanyahu humb pushtetin në Izrael

Dafina Vidishiqi

Macron: G7 nuk është armiqësore me Kinën

Dafina Vidishiqi

​Blinken zbulon: E vetmja gjë për të cilën pajtohem me Putin

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...