Nga Gjykata Speciale para pak minutash e kanë konfirmuar se ish-kryetari i Kuvendit Jakup Krasniqi, pas arrestimit është transferuar në objektin e paraburgimit të Dhomave të Specializuara të Kosovës (“DHSK”), në Hagë.
Në një komunikatë për media nga Dhomat e Specializuara të Kosovës në Hagë, thuhet se Krasniqi u arrestua sot në Kosovë dhe u transferua në objektin e paraburgimit të DHSK-së në Hagë.
“Arrestimi u krye nga Zyra e Prokurorit të Specializuar (“ZPS”) në bazë të një aktakuze të konfirmuar për krime lufte dhe krime kundër njerëzimit dhe në zbatim të fletarrestimit dhe urdhrit për transferim, të lëshuara nga gjykatësi i procedurës paraprake i Dhomave të Specializuara të Kosovës”.
“Në kryerjen e arrestimit, ZPS-ja pati mbështetjen operative dhe logjistike të Misionit të Bashkimit Evropian për Sundimin e Ligjit në Kosovë (EULEX), në pajtim me mandatin e vet dhe me legjislacionin e Kosovës. Edhe Policia e Kosovës (PK) dha mbështetje operative për ZPS-në”, thuhet në komunikatë.
“Në pajtim me rregullën 88 të Rregullores së Procedurës dhe tëProvave, aktakuza bëhet publike jo më vonë se paraqitja e parë e të akuzuarit”, thuhet në komunikatë.
