Prokuroria ka kërkuar tre vite burg për Marinela Berishën, e cila së bashku me motrën e saj, Antonelën, goditën me shishe qelqi Klea Prengën në një restorant gushtin e vitit të kaluar.
Po ashtu, prokuroria ka kërkuar tre vite shërbim prove për Antonela Berishën.
Dy motrat Berisha u dorëzuan në tetor të vitit të kaluar pasi akuzohen për ‘plagosje të rëndë me dashje’.
Antonela Berisha (Foto: Top Channel)
Shkak i ngjarjes që bëri bujë ishin dyshimet e Mariela Berishës se bashkëshorti i saj e tradhtonte me 24-vjeçaren.
Si shenjë hakmarrje dy motrat, kanë shkuar në restorantin në kryeqytet ku ndodhej Klea Prenga dhe e kanë goditur me shishe qelqi në fytyrë.
Ngjarja ka ndodhur mbrëmjen e 6 Gushtit në një restorant në kryeqytet. /TopChannel
