Kronika Shqipëri

Goditi brutalisht me grushte, shqelma e plagosi me thikë fqinjin e nipin e tij, ja momenti kur policia arreston kavajasin

Zhurnal Ads

Policia e Kavajës arreston shtetasin Rizan Aliu, 45-vjeç, personi që më datë 16 shtator rrahu brutalisht e qëlloi me thikë fqinjin e tij 60 vjeçarin, Besnik Çelmeta dhe nipin e këtij të fundit.

Dhuna barbare u konsumua brenda një lokali ndërsa “BalkanWeb” e “News 24” mundën të sigurojnë videon e sherrit. Në pamjet e siguruara duket kur Rizan Aliu fqinj me 60 vjeçarin hyn menjëherë pas tij në lokal. Pasi i komunikon diçka Aliu tenton që ta nxjerrë jashtë por Çelmeta refuzon.

Në këtë çast ai e godet me grushte dhe shqelma dhe më pas nxjerr një thikë me të cilën e qëllon disa herë.

Për të ndaluar autorin ndërhyn edhe nipi i Çelmetes, por Rizan Aliu e qëllon edhe atë me thikë. U desh ndërhyrja e një tjetër personi që e bindi autorin të largohet. Në pamje duket se edhe para se të dalë nga lokali, Aliu e kërcenon përsëri nipin e Besnikut me thikë në fyt, por fatmirësisht nuk e godet.

E gjithë skena ndodhi në prani të vajzës së vogël të autorit. Si pasojë e dhunës Besnik Çelmeta dhe nipi i tij u dërguan në Spitalin e Kavajës ku morën ndihmë mjekësore. Mësohet se raportet mes dy fqinjëve, Besnik Çelmetes dhe Rizan Aliut kishin qenë shpesh herë të tensionuara për motivin banal të hedhjes së mbeturinave.

NJOFTIMI I POLICIË
Specialistët për Hetimin e Krimit në Komisariatin e Policisë Kavajë, menjëherë pas njoftimit se në Kavajë, në ambientet e një lokali po konfliktoheshin disa shtetas dhe për pasojë dy prej tyre ishin plagosur me mjet prerës (thikë), menjëherë kanë organizuar punën për dokumentimin e plotë të ngjarjes dhe kapjen a autorit.

Si rezultat e një pune të pandërprerë për kapjen e tij, nga shërbimet e Policisë Kavajë u bë e mundur kapja dhe vënia në pranga e autorit të dyshuar të ngjarjes, shtetasit R. A., 45 vjeç, banues në Kavajë.

Ky shtetas, më datë 16.09.2020, dyshohet se pas një konflikti të çastit për motive të dobëta, ka goditur me mjet prerës thikë shtetasin B. Ç. dhe pronarin e lokalit shtetasin M. A., i cili ka ndërhyrë për të parandaluar përshkallëzimin e mëtejshëm të konfliktit.
Materialet do t’i kalojnë Prokurorisë së Rrethit Gjyqësor Kavajë, për veprime të mëtejshme. (m.a/BalkanWeb)

Postime të ngjashme

Pandemia, 6 herë më keq nga sa duket

T E

Zjarr në Kryevidh të Rrogozhinës, digjen hektarë ullishtesh, flakët mbërrijnë tek varrezat e fshatit

admin

Rama takon Erdoganin: Me mikun e çmuar, folëm për fuqizimin e marrëdhënieve Shqipëri-Turqi

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...