Gratë apo burrat, kush e ka më të vështirë lënien e cigares?

Gratë e kanë më të vështirë sesa meshkujt, pavarësisht se konsumojnë më pak cigare, zbulon një studim i ri

 

Hulumtuesit në Francë studiuan më shumë se 35,000 duhanpirës, burra dhe gra, të cilët përdorën shërbimet e ndërprerjes së duhanit, të tilla si produktet zëvendësuese të nikotinës, avullimin dhe seancat e terapisë one-to-one.

Numri mesatar i cigareve që konsumoheshin çdo ditë ishte 23 për gratë dhe 27 për burrat – por 55% e burrave abstenuan nga pirja e duhanit krahasuar me 52% të grave.

Është interesante që rreth 56% e grave kishin një varësi të rëndë nga nikotina, krahasuar me 60% e burrave.

Gratë që u përfshinë në këto studime kishin norma më të larta të obezitetit, depresionit dhe ankthit, në krahasim me burrat, dhe e patën shumë të vështirë ta linin këtë zakon.

“Rezultatet sugjerojnë se pavarësisht se pijnë më pak cigare dhe varen më pak nga nikotina sesa meshkujt, gratë e kanë më të vështirë të heqin dorë”, tha autorja e studimit Ingrid Allagbe, një studente doktorature në Universitetin e Burgundy, Dijon, Francë.

Louise Ross, një eksperte në Qendrën Kombëtare për Ndërprerjen dhe Trajnimin e Duhanit, e cila nuk ishte e përfshirë në studim, mendon se pirja e duhanit ka një ‘lidhje të fortë emocionale’ me gratë, shkruan Class.

Ross, e cila është e përfshirë për të ndihmuar njerëzit që të lënë duhanin, ka thënë se gratë shpesh i përshkruajnë cigaret si ‘një shoqe më e mirë’.

Related posts

Për kofshë pa celulit, besojini vajit të rozmarinës; Funksionon më mirë se çdo krem komercial

D V

Të moshuarit duhet të ndjekin këtë dietë popullore për të shtuar vite në jetën e tyre

D V

Pija e njohur në baza ditore mund të parandalojë sëmundjet e zemrës

D V

This website uses cookies to improve your experience. We'll assume you're ok with this, but you can opt-out if you wish. Accept Read More