Agjencia Zhurnal.mk
Maqedoni

Gruevski: Mora përgjigjen që e prisja, nuk u befasova nga vendimi i Supremes

Zhurnal Ads

Shkup, 18 shtator, zhurnal.mk – Ish-kryeministri Nikolla Gruevski, ka reaguar ndaj vendimit të Gjykatës së Lartë, e cila vendosi të mos pranojë ankesat e Gordana Jankulloskës dhe konfirmoi vendimin e shkallës së parë, me çka ish-ministrja duhet të vuajë dënimin me burg.

Nikolla Gruevski nëpërmjet një postimi në Facebook, thotë se nuk është i habitur nga vendimi i Gjykatës së Lartë, që sipas tij është vetëm një pjesë e përndjekjes politike të pushtetit.

“Zoran Zaev, përmes ndërmjetësve të tij që vepronin dhe transmetonin mesazhe në emër të tij, më shpesh avokati i tij i ngushtë, ushtronte vazhdimisht presion dhe ndikim në Gjykatën e Lartë dhe bëri të njëjtën gjë në gjykatat më të ulëta, përfshirë Gjykatën Penale për lëndë të tjera nga korpusi i atyre rasteve të krijuara me motive dhe ndërhyrje politike dhe që janë pjesë e përndjekjes politike në Maqedoni”.

“Mesazhi çdo herë është nga një personazh, vetëm ‘postierët’ ndonjëherë ndryshohen, ndërsa jo rrallë ‘dërgesa’ është edhe personale, ndonjëherë edhe publike”, shkruan Gruevski.

Ai më tej shton se nuk ekziston reformë ose ligj, që do të ndryshojë diçka në gjyqësinë e Maqedonisë.

“BE mund të publikojë sa të dojoë raporte progresi ose të mirëpresë ligjet e miratuara, por për sa kohë që gjyqtarët veprojnë nën detyrim dhe frikën e ekzekutivit se ata mund të ndëshkohen nëse nuk i binden, gjegjësisht derisa ekzekutivi vepron mbi një bazë mafioze, nuk do të ketë progres të vërtetë”, shkruan Gruevski.

Ndryshe, me vendimin e sotëm të Gjykatës së Lartë, Jankulloska duhet të vuajë katër vjet dënim me burg, pasi u dënua në rastin “Tanku”.

Zhurnal Ads
https://www.facebook.com/NGruevski/posts/10158795201732716
Zhurnal Ads

Postime të ngjashme

Kiçeec më 12 tetor duhet të shkoj në burg

E.E.

MSH: Po punohet për riorganizimin e ambienteve spitalore dhe personelit mjekësor

T E

Shilegov: Për ndërtimet joligjore duhet bashkëpunim mes Qytetit të Shkupit dhe komunave të Shkupit

Z H

Tetë milionë euro shtesë për mbështetje në ballafaqimin me pasojat nga kriza me Kovid-19

T E

Deri të premten nxënësit duhet t’i marrin notat e para

E.E.

Mbyllen objekte hotelierike në Aerodrom dhe Gazi Babë

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...