Agjencia Zhurnal.mk
Kuzhina

Hajvar shtëpie

Ky artikull ushqimor i shkëlqyeshëm bëhet sipas kësaj recete 

Kjo salcë e shijshme, është shoqëruese mjaft e mirë e ushqimeve, por mund të hahet edhe duke lyer fetat e bukës, si brusketë, transmeton Telegrafi.

Përbërësit:

30 kg spec i kuq lëvoretrashë
▪ 1,5 l vaj
▪ 200 g kripë
▪ 50 ml uthull
▪ Spec djegës sipas shijes

Përgatitja:

1. Piqni specat në pllakë të nxehtë dhe vendosni në tenxhere të mbuluar me leckë kuzhine që të ftohen pak. Qëroni specat, hiqjani kërcejtë dhe farat, dhe vendosni në thes plastike (që përdoret për patate) që të kullohen gjatë natës.

2. Të nesërmen bluajini në makinë për bluarje mishi apo në ndonjë aparat tjetër elektrik. Vëreni tenxheren në shporet që të nxehen shumë pak, qitni specat e bluar, shtoni vajin dhe kripen dhe përzieni. Fërgoni specat e bluar përafërsisht 2 deri në 2,5 orë, varësisht nga intensiteti i zjarrit dhe vazhdimisht përzini.

3. Nga fundi i fërgimit, kur hajvari të jetë pothuajse gati, shtoni uthullën dhe përzieni edhe afërsisht dhjetë minuta. Hajvari (‘Ajvari’) është i gatshëm kur e kaloni garuzhdën nëpër fundin e tenxheres dhe nuk lë gjurmë gjatë kalimit, sepse hajvari është bërë mjaftueshëm i dendur.

4. Lëreni hajvarin që pak të ftohet (rreth një ose dy orë) dhe qiteni në kavanoza të tharë dhe të pastër. Lërini kavanozat të qëndrojnë të pambyllur 5 – 6 orë, dhe pastaj mbyllni me kapakë apo me celofan.

5. Nëse preferoni hajvar djegës, që nga fillimi shtoni speca djegës. Nëse dëshironi sasi të përzier, ndajeni gjithë masën specave të bluar përgjysmë dhe shtoni spec djegës të bluar në njërën pjesë para se ta fërgoni. Specat djegës shtohen sipas shijes.

Ju bëftë mirë.

Postime të ngjashme

Pite shtëpie me rozmarinë dhe vaj ulliri – Receta e shijshme

Dafina Vidishiqi

Krem karamel i ftohtë në tavë – Ëmbëlsira e ditës

Dafina Vidishiqi

Salcë kosi me arra – Shoqëuesi perfekt për çdo vakt

Lea Muslija

Krem karamel i ftohtë në tavë – Ëmbëlsira e ditës

Lea Muslija

Makarona të pjekura me djathë feta

Dafina Vidishiqi

Patëllxhan të pjekur me qumësht dhe vezë – Receta tradicionale

Lea Muslija

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...