Agjencia Zhurnal.mk
Teknologji

Hapet dyqani i Amazon-it me karroca të teknologjisë së lartë

Kompania Amazon, të enjten tha se po e hapë supermarketin në Los Angeles, me karrocat e blerjes që i lënë konsumatorët të kalojnë përmes linjave nëpër arka, teksa kompania e-commerce ndërton prezencën offline.

Marketi, në lagjen Woodland Hills, u emërtua Amazon Fresh Grocery Store dhe është vendi i parë që i la të hyjnë konsumatorët – vetëm me ftesa – nga të shtatë vendet që Amazon ka konfirmuar për t’i hapur në Kaliforninë Jugore dhe Chicago.

Shitësi më i madh në botë online ka eksperimentuar me dyqanet fizike këto vite, për të marrë më shumë të ardhura, sidomos në produkte ushqimore. Ka më shumë se 20 dyqane me arka të ushqimit “merr e shko” për punëtorët nëpër zyra, dhe rreth 500 dyqane në rrjetin e Whole Foods Market, që i fitoi në vitin 2017, raporton Reuters.

Ky dyqan do të jetë i pari me “Amazon Dash Cart”. Kjo i lejon që blerësit të mbushin deri në dy qese ushqimi përmes sistemit teknologjik, që dallon se çfarë vendoset në karrocë dhe faturohet përmes kartës së kreditit, pasi konsumatorët kalojnë nëpër linja të caktuara.

Dyqani ka gjithashtu një kënd për t’i marrë dhe për t’i kthyer porositë nga web-i, dhe vendin e informimit për dyqan – me zërin e Alexa-s.

Muajin e kaluar Amazon-i pati fitimin më të madh tremujorësh përmes shitjeve online, gjatë pandemisë së koronavirusit. Por, pati një rënie të fitimit 13%, në dyqanet fizike.

Postime të ngjashme

Instagrami kërkon falje për një gabim në ‘hashtag’

S.B.

Telefoni inteligjent i ri mund të ndryshojë formën dhe të kthehet në një tabletë

S.B.

Sony ka prezantuar Xperia 1 III me lente telefoto të ndryshueshme

S.B.

HMD Global prezanton gjashtë telefona të rinj Nokia

S.B.

Dalin pamjet e iPhone 13 nga të gjitha anët, në 3D

S.B.

Thyhet rekordi i ndjekësve në “Twitch”

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...