Haradinaj pyet Kurtin: A është ende kryekriminel ‘baba i tenderëve’?

Kryetari i Aleancës së Ardhmërisë së Kosovës, Ramush Hardinaj ka vazhduar pyetjet për kryeministrin Albin Kurti, lidhur me një zyrtar në Ministrinë e Mjedisit, Planifikimit Hapësinor dhe Infrastrukturës.

Ai ka thënë se në ish qeverisjen e tij, tre ish deputetë të Lëvizjes Vetëvendosje, tashmë ministri gjithmonë kanë pyetur për Nexhat Krasniqin, apo siç thotë “babën e tenderëve”, derisa sot heshtin. Hardinaj ka pyetur se a ka ndryshuar ai, apo kryeministri dhe ministrat janë bërë më të këqij se i njëjti.

“A e dini ju për Nexhat Krasniqin që me kanë pyet tre ministrat e juaj, a është ende kryekriminel dhe baba i tenderëve, apo është i mirë ai, apo ju kryeministër dhe tre ministrat e juaj jeni më të këqij se Nexhati”, tha ai.

Krahas kësaj, ai i bëri pyetje edhe dy deputetëve të LVV-së për qëndrimin e ministrit Liburn Aliu në Beograd.

“Edhe një pyetje tjetër, por këtë e kemi për dy shokë të mi, Fatmir Humollin dhe Gani Krasniqin. Qysh ka kaluar Liburni në Beograd, çka është puna e këtij korridorit të hekurudhave si diçka e re”, shtoi Haradinaj. /KP/

Related posts

Sot në QNR nis procesi i numërimit të votave me kusht

D V

Kurti bënë thirrje për vaksinim: Pasnesër shënojnë administrimin e 1 milion dozave të vaksinës

D V

Luan Krasniqi propozohet për Ambasador të Kosovës në Gjermani

Z H

This website uses cookies to improve your experience. We'll assume you're ok with this, but you can opt-out if you wish. Accept Read More