Agjencia Zhurnal.mk
Sport

Herolind Shala dhe Bersant Celina ishin pjesë e stërvitjeve në ‘Fadil Vokrri’

Kosova iu është rikthyer stërvitjeve pas ndeshjes ndaj Sllovenisë për t’u përgatitur sa më mirë për ndeshjen e fundit në Ligën e Kombeve kundër Moldavisë.

Dardanët, në orët e mëngjesit të të hënës arritën në Prishtinë, teksa në orët e mbrëmjes futbollistët që nuk luajtën dhe ata që ishin më pak të angazhuar në ndeshjen e zhvilluar në Lubjanë mbajtën stërvitje në stadiumin “Fadil Vokrri”.

Ndërkohë, pjesa tjetër e lojtarëve zhvilluan seancë rigjeneruese në hotel. Në ndeshjen kundër Moldavisë, Kosova nuk do ta ketë në dispozicion Bernard Berishën, i cili është i pezulluar për shkak të kartonëve dhe tashmë ka udhëtuar drejt Rusisë për t’u bashkuar me klubin e tij.

Mirëpo, lajmi i mirë është se për këtë sfidë rikthehet në mesfushë Herolind Shala, futbollisti që vrapon pa ndalë dhe është tejet i rëndësishëm për ‘Dardanët’. Ai mungoi në takim ndaj Sllovenisë shkaku i kartonëve, ndërsa mungesa e tij është vërejtur jashtëzakonisht shumë në mesfushë.

Po ashtu, gëzon fakti se në seancën e të hënës është stërvitur Bersant Celina, i cili mungoi në ndeshjen kundër sllovenëve për shkak të shqetësimeve me muskujt e këmbës dhe pritet që të jetë i gatshëm për Moldavinë.

Tani e gjithë vëmendja është te dueli me moldavët, ku synohet që me rezultat pozitiv të sigurohet mbetja në Ligën C të Ligës së Kombeve. /Telegrafi/

Postime të ngjashme

Kur takohen dy kampionë

T E

Juventusi përgatit ofertën për Manuel Locatellin!

Z H

Pogba mungon edhe ndaj Chelsea-t, por Solskjaer rikuperon tre të tjerë!

Z H

Shqiptari firmos kontratë profesionale me klubin e njohur gjerman

Z H

Man.Utd – Milan, super derbi i Europa Ligës

Z H

Milan, Pioli ka gati skemën e re, ja formacioni i ri i Milanit

Z H

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...