Hiqen vizat Kosovë-Izrael, nga 5 maji qytetarët do të udhëtojnë pa viza

Ambasadorja e Izraelit në Kosovës, Tamar Ziv ka thënë se është ratifikuar marrëveshja për heqjen e vizave mes dy vendeve, Kosovë-Izrael.

Ziv këtë e bëri të ditur përmes një postimi në platformën X, duke shtuar se kjo u ratifikua në përvjetorin e katërt të marrëdhënieve diplomatike mes dy vendeve.

“Gëzohem t’ju njoftoj se marrëveshja për heqjen e vizave u ratifikua në përvjetorin e katërt të marrëdhënieve diplomatike Izrael-Kosovë. Në javën kur shënojmë 4 vjet marrëdhënie diplomatike midis dy shteteve, Izraeli dhe Kosova ratifikuan marrëveshjen për heqjen e vizave”, ka shkruar Ziv.