Agjencia Zhurnal.mk
Kosovë

Homazhe në Ditën e Veteranit, përkujtohet familja Jashari

Komuna e Skenderajt së bashku me Shoqatat e dala nga lufta e UÇK-së, në përvjetorin e sulmit të parë mbi familjen Jashari, Ditës së Veteranit, kanë bërë sot homazhe te shtatorja e komandantit legjendar Adem Jashari, Kompleksi Memorial “Adem Jashari”, në Prekaz, si dhe te Kompleksi i Dëshmorëve në Marinë, për t’i nderuar dëshmorët e rënë për liri.

Me këtë rast, kryetari i Skenderajt, Bekim Jashari ka thënë se përkujtojnë sakrificën e të gjithë dëshmorëve, e në veçanti të familjes Jashari në luftën e tyre për liri.

Jashari: Sakrifica e dëshmorëve na jep kurajë për të ecur para

“Ne sapo bëmë homazhe në Kompleksin Memorial Adem Jashari, së bashku me Shoqatat e dala nga lufta, veteranë të Ushtrisë Çlirimtare të Kosovës, asamblistë, shoqëri civile, policinë duke përkujtuar me nderë dhe respekt sakrificën e gjithë dëshmorëve, në veçanti të familjes Jashari, gjatë sulmit 29 vjet më parë, është një periudhë me plot sakrifica, vuajtje deri në çlirimin e vendit, por që sot na jep kurajë dhe vullnet për të ecur përpara dhe për të realizuar amanetin e dëshmorëve që ranë për këtë ditë të sotme”, tha Jashari.

Ndërsa ushtruesi i detyrës së kryetarit të organizatave të dala nga lufta e UÇK-së, Faton Klinaku tha se beteja e 30 dhjetorit në mes të familjes Jashari dhe forcave kriminale serbe, ka bërë që kjo ditë të përcaktohet si Dita e Veteranit të UÇK-së.

Klinaku: Urojmë 30 dhjetorin- Ditën e Veteranit të UÇK-së

“Çdoherë kur vijmë këtu të Jasharajt frymëzohemi për të punuar për të tashmen, dhe për të ardhmen. Pushtuesi jugosllav gjithmonë e ka luftuar këtë familje, dhe beteja në mes familjes Jashari dhe pushtuesit jugosllav, më 30 dhjetor, na ka bërë ta përcaktojmë dhe shënojmë si Ditë të Veteranit të luftës së UÇK-së. Këtë vit po e shënojmë me goditje të rënda për UÇK-në. Kemi bashkëluftëtarët tanë në Hagë, me këtë rast edhe atyre ua urojmë Ditën e Veteranit, por edhe popullit në përgjithësi këtë ditë të sakrificës dhe heroizmit të familjes Jashari dhe komandantit legjendar Adem Jashari”, ka thënë Klinaku.

Klinaku ka thënë se në të ardhmen institucionet e Kosovës duhet të përkujdesen më shumë për këto vlera, dhe politika të jetë sa më unik drejt realizimit të aspiratave të popullit të Kosovës. 

Postime të ngjashme

Lista Serbe akuzon Trajkoviq: Po mbron vetëm interesat e Kurtit dhe njerëzve rreth tij

T E

Burri i Albulena Haxhiut i jep “goditjen” e fundit Fatmir Limajt: Mëso nga theqafja që ta dhanë…

T E

Vizita e Lajçak, javën e ardhshme në Ballkan për bisedimet Kosovë-Serbi

T E

Sekuestrohen dy armë zjarri në Prishtinë

T E

Gjeloshaj: Në Tuz mbretëron një ditë e qetë – të gjithë që dje ishin arrestuar, janë liruar

T E

Kurti në takim me ambasadorin britanik: Qeveria e re do të konsolidohet shpejt

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...