Agjencia Zhurnal.mk
Kosovë

Hoti: Veprat e Adem Mikullovcit nuk do të na lënë asnjëherë

Kryeministri i Kosovës, Avdullah Hoti ka thënë se aktori Adem Mikullovci ka lënë pas vetës një trashëgimi të shkëlqyer në artin dhe kulturën tonë.

Hoti ka ngushëlluar familjen e aktorit Mikullovci, duke thënë se ai do të mbetet frymëzim për brezat e rinj, transmeton Telegrafi.

“Aktori i madh shqiptar, Adem Mikullovci, na paska lanë e paska ikë nga kjo botë, por vepra e tij asnjëherë nuk do të na lërë. Ai ishte përherë pjesë e gëzimeve dhe festave në familjet tona. Me veprat e tij artistike dhe dashurinë që kishte ndaj të bukurës, ai ka lënë një trashëgimi të shkëlqyer në artin dhe kulturën tonë.  Ai do të mbetet përherë frymëzim edhe për brezat e rinj, për artin por edhe për atdhedashuri”, ka shkruar ai në Facebook.

Më tej, Hoti ka thënë se Mikullovci përveç që ishte një artist i shkëlqyer, ai ishte edhe një atdhetarë i pashoq.

“Bacën Adem përherë do ta kujtojmë edhe si njërin prej delegatëve të Kuvendit të Kosovës nga vitet 1990 – 92, kur u shpall deklarata Kushtetuese dhe ajo e Pavarësisë së Kosovës.  Në emrin tim dhe të Qeverisë së Republikës së Kosovës, i shpreh ngushëllime të sinqerta familjes dhe të gjithë komunitetit të artistëve. Lavdi jetës dhe veprës së Bacës Adem”.

Aktori Mikullovci ka ndërruar jetë mbrëmë pas mesnate në moshën 83-vjeçare, varrimi i të ndjerit do të bëhet sot në ora 16:00 në varrezat e qytetit në Dragodan.

Postime të ngjashme

AAK kërkon nga Qeveria sigurimin sa më të shpejtë të vaksinave për krejt qytetarët

R Zh

VV mban mbledhjen e qendrave – theksohet domosdoshmëria e ndryshimit të ligjit për zgjedhje

R Zh

NUMËR I LARTË I RASTEVE ME COVID-19 NË PRISHTINË

Lea Muslija

“Mos u hidhëro që nëna jote e përlotur të pret gjithë natën të vish”, fjalët prekëse të babait të Luran Ahmetit

Lea Muslija

Goditet një këmbësore nga një veturë në veri të Mitrovicës

Lea Muslija

Duke e injoruar UÇK-në tentojnë ta rishkruajnë historinë e lirisë sonë

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...