Hoxha: Karantinë prej 7 ditësh për qytetarët që kthehen në vend dhe nuk posedojnë test PCR

Shkup, 25 gusht – Në mbledhjen e fundit Qeveria e Republikës së Maqedonisë së Veriut miratoi ndryshime dhe plotësime të masave për parandalimin e përhapjes së COVID-19.

 

Me këto nndryshime lejohet organizimi i ngjarjeve sportive me pjesëmarrje të publikut, ngjarje kulturore, puna e restoranteve, kafeneve, bastoreve, mbajtja e koncerteve, seminareve, punëtorive dhe ngjarje të tjera në hapësira të mbyllura me 30% të kapacitetit të hapësirës, ndërsa në hapësirë të hapur deri në 50% të kapacitetit, me respektimin e protokolleve dhe masave për mbrojtje nga COVID-19.

“Duam të theksojmë se gjithashtu mbetet ndalesa për organizimin e dasmave, ditëlindjeve dhe ahengjeve të tjera private në pjesët e mbyllura të objekteve hotelierike, si edhe të gjitha masat tjera nga mbledhja e 99-të e Qeverisë, sipas së cilës për hyrje në një objekt hotelierik, kafene dhe bare, pa dallim të kapacitetit dhe numrit të personave të pranishëm është i detyrueshëm posedimi i:

· Certifikatë/vërtetim për imunizim (vaksinim) nga virusi SARS-CoV-2, gjegjësisht për marrjen e së paku dozës së parë të vaksinës kundër sëmundjes infektuese KOVID-19 ose

· Certifikatë/vërtetim për KOVID-19 të kaluar në 45 ditët e fundit, duke llogaritur nga dita e shërimit, për personat mbi moshën 18-vjeçare.

Lidhur me vendimin për hyrje në territorin e RMV-së, prej më 1 shtator të vitit 2021, duam të rikujtojmë se është i detyrueshëm posedimi i:

– Certifikatë/vërtetim për imunizim (vaksinim), gjegjësisht për marrjen e së paku dy dozave

– Certifikatë/vërtetim për COVID-19 të kaluar në 45 ditët e fundit, duke llogaritur nga dita shërimit, ose

  • Vërtetim mjekësor me rezultat negativ nga testi PCR, jo më të vjetër se 72 orë”, tha Muamet Hoxha, zëdhënës i Qeverisë duke shtuar se qytetarët tanë të cilët kthehen në vend pas 1 shtatorit, dhe nuk kanë test PCR, ose vërtetim për vaksinë të marrë ose për kalim të virusit COVID-19, do të përcaktohet masa karantinë prej 7 (shtatë) ditësh.

“Gjithashtu, shtetasit e huaj që kalojnë transit në vend, do të mund ta bëjnë atë në afat prej 5 orësh me deklaratë paraprakisht të nënshkruar nga hyrja në vend, të cilën do të duhet ta dorëzojnë para kontrollit kufitar në dalje të shtetit”, u shpreh Muamet Hoxha, zëdhënës i Qeverisë.

Related posts

Lukarevska: Masa “TVSH-ja Ime” duhet të përparohet, jam mbështetëse të rritet pragu i kthimit të TVSH-së

D V

Fushatë e AUV-së: Kafshët e ngordhura të mos preken, por të paraqiten në aplikacionin “Stop tërbimit”

Z H

Zoran Zaev: Regjistrimi i popullsisë filloi me sukses

N E

This website uses cookies to improve your experience. We'll assume you're ok with this, but you can opt-out if you wish. Accept Read More