Hummels ka refuzuar dy klubet italiane për tu transferuar në Ligën Premier

Mats Hummels karrierën do ta vazhdoj në elitën e futbollit anglez Ligën Premier.

Qendërmbrojtësi veteran gjerman ka arritur marrëveshje me Brightonin dhe pritet që gjatë ditëve të ardhshme të zyrtarizohet nga klubi bardhekaltër.

35-vjeçari kishte shumë oferta si nga Bundesliga ashtu edhe nga skuadrat e tjera evropiane.

Roma dhe Bologna ishin dy klubet më të interesuara për transferimin e Hummels me parametra zero, megjithatë në fund lojtari preferoi Anglinë.

Hummels do të nënshkruajë kontratë dy vjeçare me Brightonin, derisa për të do të jetë aventura e parë jashtë Bundesligës.