Agjencia Zhurnal.mk
Bota

Hungaria me vaksinim masiv të popullsisë

Kryeministri hungarez Viktor Orban tha në një intervistë se vaksinat kineze mund ta ndihmojnë Hungarinë të jetë para vendeve të tjera të BE-së në vaksinimin kundër COVID-19.

Sipas njoftimeve nga media amerikane ABC, Orban u shpreh që “shumë shpejt do të përdorim vaksina kineze dhe deri në festën e Pashkëve, mund të ofrojmë vaksina për të gjithë ata që janë regjistruar.”

Sipas Orbanit, popullsia e Hungarisë është afro 10 milionë dhe deri tani, rreth 2.5 milionë veta janë regjistruar për t’u vaksinuar kundër COVID-19.

“Në krahasim me vendet e tjera europiane, deri në fund të majit Hungaria mund të vaksinojë 6.8 milionë veta, 3.5 milionë më shumë se vendet e tjera të BE-së në përpjesëtim me përmasat dhe popullsinë. Kjo, sipas meje, është një gjë shumë e madhe,” tha Orban.

Kjo është hera e 2-të që ai vlerëson vaksinat kineze. Më 9 shkurt, në Samitin e Liderëve Kinë-EQL, Orban vlerësoi përpjekjet e Kinës në studimin dhe prodhimin e vaksinave kundër COVID-19, duke thënë që ka marrë raportin nga instituti përkatës i Hungarisë se vaksinat kineze janë shumë të sigurta. Orban përmendi që kontingjenti i parë i vaksinave kineze parashikohet të arrijë në Hungari javën e ardhshme.

Postime të ngjashme

Organizatat botërore kërkojnë furnizim urgjent për vendet e varfëra me vaksina kundër Kovid-19

D V

Katër tërmete shkundin Greqinë, më i fuqishmi me magnitudë 5.3

D V

Nga sot, hyrja në Gjermani vetëm me test negativ antiCOVID-19

D V

Varianti Delta përhapet me shpejtësi në Shtetet e Bashkuara

D V

Australia mbjell frikë me ushtri e helikopterë për të ndaluar protestat dhe vendosur izolimin e COVID-19 në Sydney

D V

Njihuni me shkencëtarin që po përpiqet të udhëtojë në kohë – për këtë ka një arsye të fortë

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...