78
Shkup, 1 maj – Sekretari i Alternativës, Zeqirija Ibrahimi, në emisionin Click Plus, tha se të gjithë e kanë gjykuar qëndrimin e zonjës Davkova për UÇK-në.
“Kur ajo e shtron si çështje tani dalin këta patriot me bateria dhe i dalin zot UÇK-së. Ndërkohë që gjatë këtyre 20 viteve, sa ushtari i UÇK-së, është vrarë, sa ushtari i UCK-së është në burg, sa raste të montuara politike për ushtarët e UÇK-së janë bërë dhe këta nuk e bën ligjin për veteranët e UÇK-së, e sot kur ajo e sulmon UÇK-në këtyre u krekoset mendja. O njerëz, pse nuk e përmendët UÇK-në, gjatë qeverisjes së Nikolla Gruevskit kur u vra Harun Aliu, pse vdiq në burg Rexhail Qerimi si ushtarë i UÇK-së”, tha Ibrahimi.