Shkup, 24 qershor – Igor Fillkov e mori detyrën e ministrit të Drejtësisë, informojnë nga Ministria e Drejtësisë.
Ministri, siç thuhet në kumtesën, ka paralajmëruar se gjatë mandatit të tij do të ndërmarrë reforma në sferën e drejtësisë dhe forcimin e luftës kundër krimit dhe korrupsionit, depolitizimin e gjyqësorit dhe prokurorisë, rikthimin e besimit të qytetarëve në sistemin gjyqësor dhe sundimin e ligjit.
“Në periudhën në vijim do t’i kushtohet më shumë vëmendje ndryshimeve në ligjet për Këshillin Gjyqësor, për Prokurorinë Publike, për Këshillin e Prokurorëve Publikë, zbatimi i agjendës së reformës në kuadër të procesit të zbatimit të Planit për rritje për Ballkanin Perëndimor, Udhërrëfyesi për sundimin e ligjit që do të përshkruajë drejtimet e reformave dhe masave deri në qëllimin përfundimtar – përfundimin e negociatave, si dhe përfshirjen e vendeve kandidate në Raportin sundimin e ligjit si instrument për zbulimin e hershëm apo parandalimin e sfidave me sundimin e ligjit”, thuhet në kumtesën nga Ministria e Drejtësisë.
Filkov, i cili është anëtar i Bordit Ekzekutiv të Lëvizjes Znam “Për Maqedoninë tonë”, ka lindur në Shkup, ku edhe ka diplomuar në Fakultetin Juridik “Justinijani i Parë” në Universitetin “Shën Kirili dhe Metodi”.
Ai në detyrë do të zëvendësojë Krenar Llogën, nga rradhët e Aleancës për Shqiptarët, krahu i Zijadin Selës, i cili ishte ministër i Drejtësisë që nga shkurti i vitit 2023.