Agjencia Zhurnal.mk
Maqedoni TOP LAJM

Instituti për Demokraci: Nivel i ulët i cilësisë së debatit në Kuvend

Shkup, 5 shkurt – Cilësia e debatit në Kuvend mori vlerësim mesatar prej 5.5 në Raportin e Institutit për Demokraci në Shkup për periudhën nga data 4 gusht deri më 31 dhjetor të vitit 2020. Raporti konfirmon nivelin e ulët të cilësisë së debatit në Kuvend në dy vitet e fundit dhe konkluzionin se ka hapësirë ​​të konsiderueshme për përmirësim, kumtoi sot Instituti për Demokraci, i cili që nga qershori i vitit 2014 monitoron cilësinë e debatit në Kuvend dhe punën e Parlamentit në përgjithësi, informon Zhurnal.mk

Cikli i katërt i monitorimit filloi në janar të vitit 2020, në kuadër të  Programit të mbështetjes parlamentare (PSP), i cili zbatohet në partneritet me Institutin  Demokratik Kombëtar (IKD) dhe Qendrën për menaxhimin e ndryshimeve (QMN). Monitorimi përqendrohet në diskutimet në lidhje me pikat e agjendës parlamentare në fushat e sundimit të ligjit, të drejtave të njeriut dhe demokracisë. “Në shkallë nga 1 më e ulëta deri në 10 më të lartën, nota mesatare e cilësisë së debatit në Kuvend është 5.5 dhe është më e ulët krahasuar me periudhat e mëparshme të vëzhgimit, për të cilat nota për cilësinë e debatit varionte nga 6.0 deri në 6.3. Ndryshe nga periudhat e mëparshme, cilësia e debatit në Kuvend nuk merr notën minimale të kërkuar (6.0) për t’u emëruar si debat”, thuhet në Raport.

Deputetët e opozitës ishin më aktivë në përfshirjen në diskutime, duke marrë pjesë në 61 për qind të vëzhgimeve, ndërsa deputetët qeveritarë morën pjesë me 39 për qind. Më shpesh për fjalë është paraqitur dhe më gjatë në foltoren e deputetëve ka qëndruar Bojan Stojanoski. Midis 10 deputetëve më aktivë, ka tre deputetë, Gordana Siljjanovska Davkova, Dafina Stojanoska dhe Zhaklina Lazarevska, një deputete më shumë krahasuar me periudhën e mëparshme (korrik – dhjetor 2020). Në periudhën mbikëqyrëse është mbajtur vetëm një seancë parlamentare për pyetje të deputetëve. Lidhur me argumentimin e diskutimeve në përgjithësi, siç thuhet, ka një rënie të ndjeshme të argumentimit krahasuar me periudhën e mëparshme. “Folësit në 44 për qind të fjalimeve të tyre nuk kishin argumente, ndërsa në 45 për qind argumentuan dobët. Një ose më shumë argumente u shënuan në vetëm 11 për qind të diskutimit, krahasuar me 29 për qind në periudhën e mëparshme të vëzhgimit, sipas Institutit për Demokraci, përcjell Zhurnal.mk

Deputetët janë më shumë të interesuar të marrin në konsideratë personalitetin e bashkëbiseduesve sesa me argumentet e tyre. Në 16 për qind të fjalimeve, deputetët shprehën respekt ose respekt të pjesshëm për argumentet e deputetëve nga partia tjetër politike, ndërsa mosrespektimi ose mosrespektimi i pjesshëm i argumenteve u shpreh në 26 për qind të diskutimit. Respektimi ose respektimi i pjesshëm i personalitetit të tyre është shprehur në 32 për qind, ndërsa mosrespektimi ose mosrespektimi i pjesshëm është shprehur në 20 për qind të diskutimit. Raporti është i qasshëm në linkun vijues: Vëzhgimi i Kuvendit: Rraporti nga vëzhgimi i cilësisë së debatit në Kuvend (gusht-dhjetor 2020). (Zhurnal.mk)

Postime të ngjashme

Mickoski niset drejt Koçanit

D V

Bullgaria do të dërgojë ndihmë për shuarjen e zjarreve në Maqedoni

D V

Zaevi: Unë dhe disa ministra jemi nisur drejt Koçanit

D V

Në territorin e Qytetit të Shkupit intervenime për 16 zjarre, të gjithë janë lokalizuar

D V

Po evakuohen personat e palëvizshëm dhe prona pas zjarrit në lokalitetin Pasjak në rajonin e Pehçevës-Dellçevës

D V

QMK: Zjarre në tërë vendin, gjendja më kritike në Koçan

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...