Agjencia Zhurnal.mk

Inter eliminon Getafen nga Europa League dhe arrin në çerekfinalen, fiton edhe Man United

Sfida nisi mirë për spanjollët, që ushtronin një presion asfiksues me 6 futbollistë në gjysmëfushën zikaltër, por pa arritur të gjejnë rrugën e rrjetës.

Shkëndijën e parë për skuadrën italiane e dha sulmuesi argjentinas Lautaro Martinez, i cili goditi në pozicion të prirët me portën, por pa arritur të shënojë.

Pjesa e parë u mbyll me avantazhin minimal të milanezëve, të cilët në fillim të 45-minutëshit të dytë i shkuan shumë pranë golit, por roveshiata spektakolare e D’Ambrosios u grushtua bukur nga portieri i Getafes.

Getafe pati në minutën e 75-të një mundësi për të realizuar, kur pas një krosimi në zonë, Godin largoi topin me dorë dhe arbitri akordoi 11-metërsh me ndihmën e VAR-it. Nga pika e penalltisë shkoi sulmuesi veteran Molina, i cili gjuajti jashtë kuadratit.

Dhjetë minuta nga fundi i lojës Conte hodhi në fushë fantazistin danez Cristian Eriksen, i cili u shfaq menjëherë protagonist pasi u nis në thellësi ku mori një top nga Bastoni dhe kombinoi bukur me D’Ambrossion, ndërsa më pas topi i erdhi sërish në këmbë dhe me të majtën mposhti për herë të dytë portierin e Getafes.

Ky gol vulosi “vrau” shpresat e spanjollëve, të cilët lëshuan jo pak në lojën e tyre, ndërsa Interi pati edhe dy mundësi mjaft të mira për të shënuar.

Vërshëllima finale e arbitrit anglez Taylor la në fuqi fitoren 2-0 të Interit, që kualifikohet kështu në çerekfinale, ku do të gjejë përballë skuadrën që do të dalë nga çifti Bayer Leverkusen Rangers, me gjermanët super-favoritë, pasi kanë fituar 3-1 në sfidën e parë në Skoci.

Nuk pati histori në sfidën tjetër të mbrëmjes së sotme, atë mes Manchester United dhe Lask Linz. “Djajtë e kuq’ vinin pas fitores së thellë 0-5 në Austri dhe trajneri Solskjaer pati luksin të lërë pushim një pjesë të mirë të titullarëve në takimin e sotëm.

Pas një pjese të parë në barazim pa gola, ishte Lask që shënoi i pari në “Old Trafford” me anë të Weisinger, por vetëm pak minuta më vonë Jese Lingard riktheu baraspeshën, ndërsa në të 88-ën francezi Anthony Martial shënoi edhe golin e fitores.

Manchester United kalon kështu lehtësisht në çerekfinale, ku do të gjejë përballë danezët e Copenhagen, të cilët eliminuan mbrëmjen e sotme skuadrën turke të Basaksehir, pasi e mposhtën me rezultatin e thellë 3-0.

Marketing 2/1

Marketing 2/2

Marketing 2/1

Marketing 2/2

Z H

Lajmet e fundit

Loading...