Agjencia Zhurnal.mk
Bota

Iran, mjekët me një mision të vështirë përballë COVID-19

Një ekip i AA-së vizitoi njësinë e kujdesit intensiv të spitalit Firoozabadi në qytetin Ray, në jug të kryeqytetit Teheran, për të dhënë një vështrim të shkurtër të luftës së vazhdueshme të stafit mjekësor kundër COVID-19.

Në Iran, një nga vendet më të goditura nga shpërthimi i koronavirusit (COVID-19), punonjësit shëndetësorë në Republikën Islamike kanë një mision të vështirë duke luftuar kundër pandemisë.

“Kushtet këtu janë vërtet të vështira. Një nga kolegët tanë ka humbur jetën kohët e fundit për shkak të virusit”, tha për AA Sima Tehemten, shefe e njësisë së kujdesit intensiv të spitalit.

“Pacientët po vuajnë shumë. Ne përballemi me një situatë vërtet të tmerrshme”, tha ajo.

Tehemten tha se spitali pranon deri në 80 pacientë të infektuar me COVID-19 në bazë ditore.

“Midis 70 nga 90 pacientë të pranuar në njësinë e kujdesit intensiv në spital në tetor dhe nëntor po vdisnin”, tha ajo.

“Për 25 vjet jam në këtë punë dhe nuk i kam informuar njerëzit për vdekjet aq shumë sa kam bërë gjatë 8-9 muajve të fundit”, tha Tehemten.

“Nëse njerëzit tanë do të vinin këtu për të parë pacientët dhe do të dinin se sa keq janë kushtet e tyre, nuk do ta merrnin epideminë shkujdesshëm”.

Tehemten tha se deri javën e kaluar, spitali nuk kishte shtretër bosh për raste të reja të virusit, përveç shtretërve të zbrazur nga pacientët që kishin ndërruar jetë.

Nga ana e tij, Muhammed Emin Abbas, një mjek në spital, paralajmëroi se pandemia mund të rritet në dimër.

“Nëse qeveria nuk kufizon lëvizjet e njerëzve dhe qendrat e mbyllura të argëtimit, pranimi në spital do të rritet përsëri”, tha Abbas.

“Nëse kjo ndodh, do të shohim përsëri një rritje të re të rasteve të përditshme. Pandemia do të bëhet më e ashpër siç ndodhi dy javë më parë”, theksoi ai.

Duke u bërë thirrje iranianëve që të marrin masa paraprake ndaj virusit, Abbas tha: “Populli ynë duhet t’i përmbahet distancimit social dhe të mbajë maska. Nëse i kushtojmë vëmendje, nuk do të përballemi me një valë të re të pandemisë në dimër”.

Postime të ngjashme

Imunologu gjerman: Ata që kanë më shumë kontakt duhet të vaksinohen së pari

T E

Biden: Vizita e Papa Françeskut në Irak një simbol shprese

T E

Dodiku kundër pranisë ndërkombëtare në Bosnjë

T E

Aktivistet polake protestojnë kundër ndalimit të abortit

T E

Mianmar, OKB njofton për mbi 50 protestues të vrarë

T E

Von der Leyen: BE-ja mund të bllokojë eksporte të mëtejshme vaksinash

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...