Agjencia Zhurnal.mk
Bota

‘Irritohet Kremlini’/ Mediat serbe: Putin anulon vizitën në Beograd, nuk i pëlqen afrimi me SHBA-në për…ja çfarë thonë analistët

Media serbe Danas shkruan se Presidenti rus Vladimir Putin nuk do ta vizitojë Beogradin përgjatë muajit tetor, siç u njoftua nga Presidenti serb Aleksandar Vuçiç në disa raste muajve të fundit. Duke iu referuar burimeve jozyrtare nga përfaqësuesit e qarqeve diplomatike, Danas shkruan se kjo ka ndodhur për shkak të një qejfmbetjeje të Putinit ndaj Vuçiç.

“Burimet tona pretendojnë se Kremlini nuk e ka zbuluar arsyen pse Putini ndryshoi mendim dhe hoqi dorë nga mbërritja e planifikuar, por ata theksojnë se “Rusët sigurisht nuk e pëlqejnë afrimin e fundit të Serbisë me Shtetet e Bashkuara në fushën e politikës së jashtme, e cila ishte veçanërisht e dukshme gjatë nënshkrimit të Marrëveshjes në Shtëpinë e Bardhë me Kosovën, për normalizimin e marrëdhënieve ekonomike midis Beogradit dhe Prishtinës”.

Burimet shtuan më tej për Danas se “marrëveshja në Shtëpinë e Bardhë midis Serbisë dhe Kosovës shënon një tjetër pikë kthese në trendin konstant të humbjes së ndikimit të Rusisë në Ballkan, e cila irriton Kremlinin. Partneri më i afërt i Rusisë në Ballkan, Serbia, po zgjidh mosmarrëveshjen e Kosovës pa ndonjë pjesëmarrje ruse në negociata dhe po u afrohet Shteteve të Bashkuara, ndikimi i të cilave po rritet ‘në kurriz’ të Rusisë”.

Megjithatë, sot Danas i ka dhënë zë deklaratës së një analisti politik në vend që nuk mendon se anulimi i vizitës së Putinit në Beograd është shenjë e ‘ftohjes’ së miqësisë mes tyre.

Sipas analistit politik Dragomir Andjelković “marrëdhëniet e Serbisë me Rusinë nuk janë prishur dhe se vizita e Presidentit rus Vladimir Putin nuk ishte anuluar, sepse nuk ishte planifikuar zyrtarisht”.

Postime të ngjashme

Falsifikoi rrëmbimin e tij për të shmangur shkuarjen në punë

T E

Sllovakia zgjat gjendjen e jashtëzakonshme

T E

Siria dënon sulmet amerikane kundër milicive pro-iraniane

T E

Në dyshim plani i Netanyahut për t’u dhuruar vaksina shteteve mike

T E

Ish-mbreti spanjoll paguan 4.4 milionë euro, pas skandaleve

T E

Belgjikë, shkon mbi 22 mijë numri i viktimave nga Covid

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...