Agjencia Zhurnal.mk
Kosovë

Ish ambasadori holandez: Serbia është ajo që duhet ta ndryshojë Kushtetutën

Ish-ambasadori i Republikës së Holandës, Robert Bosch, ka kritikuar të dërguarin e Posaçëm të Bashkimit Evropian, Miroslav Lajçak, i cili tha se “Kosova duhet ta ndryshojë Kushtetutën sepse nuk është Bibël”.

Sipas tij, i cili përmend edhe një deklaratë të ish-kryenegociatores, Edita Tahiri, është Serbia ajo që duhet ta ndryshojë Kushtetutën.

“Nuk mund ta imagjinoj që një diplomat i nderuar si Lajçaku, në cilësinë e të dërguarit të posaçëm të Bashkimit Evropian, i ka kërkuar Kosovës të ndryshojë Kushtetutën në mënyrë që të bëjë të mundur Asociacionin. Siç e tha me të drejtë, Edita Tahiri, Serbia është ajo që duhet të ndryshojë Kushtetutën pasi në aneksin e rezolutës 1244 thuhet se për Kosovën situata e vitit 1989, entiteti autonom, përsëri është e vlefshme. Me gjasë Lajçaku duhet të bëjë disa detyra shtëpie”, shkroi Bosch.

Ish-kryenegociatorja, Edita Tahiri, përmes një postimi kishte kërkuar që Serbia ta ndryshojë Kushtetutën.

“Qeveria jonë u desh të kërkojë që Serbia ta ndryshojë Kushtetutën duke hequr Kosovën nga Kushtetuta e saj. Por nuk dëgjuam se Qeveria jonë ka kërkuar diçka të tillë”, shkroi Tahiri në Facebook.

Postime të ngjashme

17 deputetët që kanë fituar më së shumti legjislatura

T E

Vdes nga Coronavirusi peshkopi Atanasija

T E

Këta janë 120 deputetët e rinj të Kosovës

T E

Votat e Enver Hoxhajt si kandidat për kryeministër

S.B.

Vazhdon rritja e rasteve me COVID-19, për 24 orë shënohen shtatë vdekje dhe 591 raste të reja

S.B.

NISMA nuk e kaloi pragun, ky është numri i votave që mori Fatmir Limaj

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...