Agjencia Zhurnal.mk
Bota

Ish-kryeministri i Francës do të bëhet anëtar bordi në kompaninë shtetërore të Rusisë

Ish-kryeministri i Francës, Francois Fillon, është nominuar për bordin e drejtorëve të kompanisë shtetërore ruse, Zarubezhneft. Urdhri qeveritar me listën e kandidatëve, i nënshkruar nga kryeministri rus, Mikhail Mishustin, është publikuar në portalin për informacione ligjore.

Francezi Fillon është nominuar për bordin e drejtorëve në kompaninë Zarubezhneft si përfaqësues i Rusisë. Në dokument, ish-kryeministri është në listë si president i kompanisë këshillëdhënëse, Apteras Sarl, të cilën e ka themeluar në vitin 2017 dhe e cila tashmë punon me kompani franceze të themeluara në Rusi.

Zarubezhneft është një kompani shtetërore ruse e naftës me seli qendrore në Moskë. Aksionarja e vetme e saj është Agjencia Federale për Menaxhimin e Pronave. Kompania është themeluar në vitin 1967 për ndërtimin e qendrave për nxjerrjen dhe përpunimin e naftës jashtë vendit, sidomos në Indi, Algjeri, Vietnam, Irak, Libi, Jemen, Siri dhe Kubë, shkruan RBC.

Francois Fillon është politikan me karrierë të konsiderueshme politike në Francë. Nga viti 2002 deri më 2004, ai ka shërbuer si ministër i Punës. Më 2004 e 2005 ishte ministër i Arsimit në qeverinë e Jean-Pierre Raffarin-it. Gjatë presidencës së Nikolas Sarkozy-t, nga maji i vitit 2007 deri në maj të vitit 2012, Fillon shërbeu si kryeministër i Francës.

Ai nuk është ish-zyrtari i vetëm i lartë i vendeve të BE-së që “rehatohet” në një post të lartë në Rusi pas largimit nga jeta institucionale.

Karin Kneissl, ish-ministre e Punëve të Jashtme të Austrisë, e cila e kishte ftuar në dasmën e vet dhe kishte vallëzuar me presidentin e Rusisë, Vladimir Putin, javën e kaluar u emërua anëtare e bordit të drejtorëve në gjigantin shtetëror rus të industrisë së naftës, Rosneft, njoftoi kjo kompani.

Postime të ngjashme

Autoritetet afgane vendosin orë policore

D V

Dënim me burg për mohimin e gjenocidit të Srebrenicës

D V

Presidenti kroat tallet keq me serbët

D V

Sërish përmbytje dhe dramë në Belgjikë: Uji bart vetura, përrenjtë në rrugë

D V

Vriten dy ushtarë turq në Siri

D V

Izraeli pritet të fillojë me testimin e kapsulës kundër coronavirusit

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...