Agjencia Zhurnal.mk
Bota

Ishulli i parë i energjisë në botë, Danimarka do ta ndërtojë në detin e veriut

Danimarka do të ndërtojë një ishull në detin e veriut që do të mbledhë dhe shpërndajë energji elektrike nga fermat e mullinjve të erës.

Autoritetet thanë se ishulli artificial do të ketë përmasat e 18 fushave të futbollit, do të prodhojë dhe magazinojë energji të pastër për të mbuluar nevojat për elektricitet të 3 milionë shtëpive në Evropë. Ai po ashtu do të ofrojë edhe energji të pastër për tu përdorur në lundrim, aviacion, industri dhe transportin e rëndë.

Projekti i ndërtimit që do të kushtojë 28 miliardë euro, është më i madhi i këtij lloji në historinë e Danimarkës. Qeveria do të ketë 51 për qind të aksioneve në ishull, pjesa e mbetur do ti shkojë sektorit privat.

Është një projekt gjigant – thotë profesori Jacob Ostergaard, që kryeson qendrën për energji elektrike në universitetin teknik të Danimarkës. Ai do të jetë një arritje monumentale në tranzicionin e gjelbër dhe reduktimin e emetimeve daneze të dioksidit të karbonit. Danimarka thotë se do të ndalë nxjerrjen e naftës dhe gazit nga deti i zi, me qëllim që të reduktojë emetimet e karbonit në masën 70 për qind deri në 2030 dhe të jetë neutrale ndaj karbonit deri në 2050. Ishulli i energjisë së gjelbër, për zyrtarët danezë, do të jetë një arritje e madhe edhe për pjesën tjetër të Evropës pasi do të lidhë disa shtete të bllokut. Ai pritet të jetë gati deri në 2033.

Postime të ngjashme

Britania heq karantinën për të vaksinuarit nga SHBA-ja dhe BE-ja

D V

Policia në Berlin ndalon mbajtjen e dy protestave për koronavirus

D V

Biden mbështet synimin e bjellorusëve për demokraci pas takimit me Tsikhanouskayan

D V

Franca do të kërkojë pasaportën shëndetësore nëpër kafiteri nga 9 gushti

D V

Zyra e Prokurorit në Bosnje inicion rastet e para nën Ligjin për mohim të gjenocidit

D V

Tokio regjistron rekord të rasteve me koronavirus

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...