Agjencia Zhurnal.mk
Bota

Itali, miratohet trajtimi me antitrupa kundër Covid-19

Italia do të përshpejtojë procesin për të miratuar trajtimet me antitrupa, për përdorim për disa pacientë me Covid-19, tha të shtunën ministri i Shëndetësisë, Roberto Speranza.

Ministri tha se kishte nënshkruar një dekret për të administruar trajtime të bazuara në antitrupa monoklonalë, të cilët janë kryesisht antitrupa të modifikuar gjenetikisht.

Agjencia Italiane e Barnave, AIFA, dhe këshilli shtetëror i shëndetit kishin hapur gjithashtu dritën jeshile për trajtimet.

“Pra, së bashku me vaksinat, ne kemi një shans shtesë për të luftuar Covid-19”, shkroi ministri.

AIFA ka thënë se situata e urgjencës do të thoshte se trajtime të tilla mund t’u ofroheshin pacientëve mbi moshën 12 vjeç, megjithë mungesën e të dhënave dhe pasigurinë në lidhje me përfitimin nga barna të tilla.

Trajtimi duhet t’u ofrohet personave të infektuar që nuk janë në spital, kanë një formë të butë deri të moderuar të Covid-19 dhe rrezikojnë përkeqësimin e gjendjes së tyre.

Agjencia Europiane e Barnave (EMA) njoftoi në fillim të shkurtit se kishte filluar testimin e ilaçit REGN-COV2 (Regeneron) për përdorim kundër Covid-19, megjithëse disa virologë kanë shuar shpresat se ky është një trajtim perfekt.

Postime të ngjashme

Qindra persona evakuohen nga Afganistani në SHBA

D V

Raportohet se varianti Delta përhapet sikurse lia e dhenve

D V

Biden kërkon që secilit person të vaksinuar t’i ndahen 100 dollarë

D V

Moduli rus destabilizon Stacionin Ndërkombëtar të Hapësirës

D V

Kina përballet me shpërthimin më të keq të koronavirusit, pas atij të Vuhanit

D V

BE-ja kërkon mbështetje për krizën me migrantë në Lituani

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...