Agjencia Zhurnal.mk
Bota

Izolohet sërish Çekia, kryeministri merr vendimin urgjent pas shifrave alarmante të koronavirusit

Zhurnal Ads

Qeveria e Republikës Çeke miratoi një sërë masash që e izolojnë vendin, i cili po përballet me shifra rekorde të rasteve me koronavirus.

Kryeministri Andrej Babis tha në një konferencë për media të mërkurën se masat, që do t’i mbyllin të gjitha dyqanet jo të domosdoshme dhe do ta kufizojnë lëvizjen e njerëzve vetëm për qëllime të domosdoshme, si puna, familja apo blerja e ushqimeve, do të zgjasin së paku deri më 3 nëntor.

“Para së gjithash, ne duhet t’i mbrojmë jetët e qytetarëve”, tha Babis, për të shtuar se masat do të hyjnë në fuqi nga data 22 tetor.

Vendimi vjen pasi Çekia njoftoi të mërkurën se në 24 orët e kaluara ka regjistruar 11,984 raste të reja me koronavirus – shifër kjo rekorde.

Ministri i Shëndetësisë, Roman Prymula, tha se parashikimet tregojnë se numri i rasteve të reja ka të ngjarë të arrijë kulmin rreth datës 11 nëntor.

Të mërkurën, zëvendëskryeministri çek, Jan Hamacek, i cili është po ashtu ministër i Brendshëm dhe udhëheqës i shtabit të krizave, që koordinon përpjekjet logjistike për të luftuar pandeminë, njoftoi se ka dalë pozitiv në testin për koronavirus.

Republika Çeke, vend me 10.7 milionë banorë, ka konfirmuar në total mbi 190,000 raste me koronavirus – mbi 120,000 prej tyre vetëm gjatë tri javëve të para të tetorit.

Shifrat e Ministrisë së Shëndetësisë, të publikuara të mërkurën, tregojnë se numri i viktimave nga koronavirusi në Çeki është rritur për 106, përkatësisht në 1,619, në 24 orët e kaluara./rel

Zhurnal Ads
Zhurnal Ads

Postime të ngjashme

Covid-19 fut në karantinë Holandën për 5 javë

S.B.

Japonia ndalon hyrjen e të huajve për shkak të variantit të ri të COVID-19

S.B.

60 grabitje në Spanjë, policia në kërkim të bandës së shqiptarëve “me të zeza”

T E

Europa shenja për një stinë të vështirë nga Covid-19

admin

Vrasësi që ndihmoi në ndalimin e një sulmi në Urën e Londrës, fiton falje mbretërore

admin

​Polonia kërkon nga BE-ja që të ashpërsojë sanksionet kundër Rusisë

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...