Agjencia Zhurnal.mk
Kosovë TOP LAJM - KS

Izraeli e cilëson të pamundur tërheqjen e njohjes së Kosovës

Ambasadori i Izraelit në Serbi, Jahel Vilan, e ka cilësuar të pamundur mundësinë që Izraeli të tërheqë njohjen e Kosovës. Ai ka thënë se përderisa dy shtetet janë pajtuar me marrëveshjen për themelim të raporteve diplomatike nuk ka asgjë kontestuese mes dy vendeve.

Në një deklaratë për “TV Prva”, Vilan ka thënë se shteti i tij e ka njohur Kosovën nën presionin amerikan. Në shtator, Kosova dhe Serbia nënshkruan marrëveshje “për normalizim ekonomik” në Washington në praninë e ish-presidentit amerikan, Donald Trump. Një nga pikat kryesore të zotimeve ishte që Izraeli ta njohë Kosovën, e kjo të hapë ambasadë në Jerusalem. Edhe te Serbia ishte zotimi që ky shtet të hapë ambasadë në Jerusalem.

“Vendimi i Izraelit për ta njohur pavarësinë e Kosovës u bë nën presion amerikan, por mos të harrojmë se kjo u bë në korniza të një marrëveshjeje mes Serbisë dhe Kosovës dhe Amerikës dhe jo me ne. Nuk po përpiqem të fshihem pas kësaj, vendimi u bë nga Izraeli pas shumë vitesh mosnjohjesh. Ishte kundër interesave tonë në Serbi”, ka thënë ai. Por i pyetur nëse Izraeli do të tërheqë njohjen e Kosovës, ambasadori e ka cilësuar të pamundur një gjë të tillë.

“Nuk e shoh të mundshme për momentin. Një marrëveshje është arritur, Izraeli e ka njohur Kosovën dhe Kosova do të hapë ambasadën në Jerusalem. Nuk shoh tërheqje të njohjes përderisa dy shtetet janë pajtuar për këtë në marrëveshje”, ka deklaruar më tej Vilan.

Duke iu përgjigjur qëndrimeve të gazetarit se Serbia nuk e ka njohur Kosovën përmes kësaj marrëveshjeje, Vilan ka thënë se nuk e ka parë vetë marrëveshjen, por ajo është nënshkruar nga Serbia.

“Serbia s’e ka mohuar kurrë që e ka nënshkruar. Askush në Serbi s’ka thënë që s’e ka nënshkruar marrëveshjen. Dokumenti ekziston me aq sa di unë”, ka thënë ai.

Ndaj këtyre deklaratave ka reaguar ministri i Jashtëm serb, Nikola Selakoviq. Ai ka thënë se qëndrimet e ambasadorit izraelit se Serbia “ka njohur” Kosovën janë të pasakta.

Postime të ngjashme

Osmani në Austri: BE ta mbajë premtimin, Kosova i ka plotësuar kriteret për liberalizim të vizave

Bekim Laçi

Arrestohet babai i foshnjës që solli në jetë 14-vjeçarja në Gjakovë

Bekim Laçi

Dialogu Kosovë-Serbi, Phillips kundër idesë për shkëmbim të territoreve

Bekim Laçi

Vetëvendosje dhe opozita përplasen për dialogun

Bekim Laçi

Albert Zogaj zgjidhet kryesues i ri i Këshillit Gjyqësor të Kosovës

Bekim Laçi

Byroja e Sigurimeve: Nga 1 korriku qytetarët e Kosovës nuk do të paguajnë 15 euro taksë në Mal të Zi

Bekim Laçi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...