Agjencia Zhurnal.mk
Bota

Izraeli ndihmon me vaksina anti-Covid shtetet që do të hapin ambasada në Jerusalem

Izraeli, një prej shteteve më të suksesshme sa i përket vaksinimit kundër COVID-19, ka vendosur që të dërgojë disa mijëra dozave të vaksinave anti-COVID te shtetet që kanë hapur ambasadat në Jerusalem apo planifikojnë të hapin ato.

Mirëpo, në mesin e shteteve që po ndihmohen nuk përmendet edhe Kosova, ndonëse është paralajmëruar hapja e ambasadës së Kosovës në Jerusalem.

Tri shtetet e para që kanë marrë mijëra doza të vaksinave anti-COVID do të jenë Hondurasi, Republika e Çekisë dhe Guatemala, që kanë forcuar prezencën diplomatike në Jerusalem.

Republika e Çekisë ka njoftuar se ka marrë një dërgesë të vogël të vaksinave nga Izraeli, siç ka njoftuar agjencia Reuter, ndërsa edhe Hondurasi pritet të marr rreth 5000 doza.

Po ashtu raportohet se edhe Hungaria do të ndihmohet me vaksina anti-Covid nga Izraeli.

Çekia planifikon të hapë një zyre diplomatike në Jerusalem, ndërsa në vitin 2019 Hungaria ka hapur një zyre tregtare në këtë qytet. Guatemala ka zhvendosur ambasadën e saj për në Jerusalem në vitin 2018, ndërsa Hondurasi ka njoftuar për planet për të zhvendosur ambasadën atje.

“Financial Times” raporton se si Izraeli është duke përdorur vaksinat për diplomacinë ndërkombëtare.

Po ashtu raportohet se do të ndihmohen edhe punonjësit shëndetësorë në Bregun Perëndimor me vaksina anti-COVID.

Postime të ngjashme

Jens Stoltenberg: NATO vendos rreth anëtarësimit të Ukrainës

N E

Joe Biden i propozon Vladimir Putinit takim të nivelit të lartë

N E

SHBA do të rrisë numrin e forcave ushtarake në Gjermani

N E

OBSH: Fundi është ende larg! Pandemia, megjithatë, po mbahet nën kontroll

S.B.

Pezullohet vaksina Johnson&Johnson/ Të vaksinuarit pësuan mpiksje të gjakut në SHBA

S.B.

Afganistan, 5 ushtarë të vdekur nga sulmi i talebanëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...