Agjencia Zhurnal.mk
Kosovë

Ja kur pritet zyrtarizimi i Grupit 6+

Përfaqësuesit e partive parlamentare të komuniteteve joserbe kanë deklaruar se të hënën do të takohen për të diskutuar rreth përfshirjes së tyre në një grup parlamentar të vetëm. Në takimet e javës së ardhshme, për formimin e grupit, pritet të caktohen edhe bartësit për pozitat në Kuvend e në grup parlamentar.

Takime javën e ardhshme për formimin e Grupit 6+ kanë deklaruar se do të kenë deputetët e komuniteteve joserbe.

Deputeti i partisë egjiptiane IRDK, Fridon Lala, ka thënë se kësaj here nuk do t’i bashkohen Grupit parlamentar të Lëvizjes Vetëvendosje.

“Deputeti i IRDK-së në legjislacionin e kaluar ka vepruar në kuadër të Grupit parlamentar të Vetëvendosjes, mirëpo në dakordancë edhe me Lëvizjen Vetëvendosje, edhe me komunitetet e tjera joserbe kemi vendosur që në Kuvendin e Kosovës të formojmë grupin e komuniteteve të cilët do të funksionojnë së bashku”, ka deklaruar Lala.

Siç e kanë konfirmuar katër përfaqësues të partive të komuniteteve, të hënën do të diskutohet për pozitat e kryetarit të grupit parlamentar, nënkryetarëve të komisioneve dhe kryetarit të njërit nga komisioneve të Kuvendit.

Sidoqoftë, sipas pohimeve të përfaqësuesve të partive të komuniteteve, deputeti i JGP-së, Adem Hoxha, dhe ai i Romani Iniciyativas nuk kanë shprehur vullnet për t’u përfshirë.

Me matematikat e deritanishme, nëse Romani Iniciyativa dhe JGP-ja refuzojnë të bëhen pjesë e grupit, grupi do t’i ketë tetë deputetë.

Postime të ngjashme

Ben Meir: Kurti të mos e pranojë Asociacionin, i pamohueshëm gjenocidi serb në Kosovë

Lea Muslija

Ministri i Qeverisë për Asociacionin: S’mund ta shkelim Kushtetutën dhe të kemi institucion një etnik

Lea Muslija

Nisma dënohet nga KQZ-ja, mund t’i anulohet pjesëmarrja në zgjedhjet lokale

Lea Muslija

Fundjava në Kosovë me rrebeshe shiu, java e ardhshme me valë të nxehtit afrikan

Dafina Vidishiqi

Gjykimi ndaj Salih Mustafës në Hagë fillon më 15 shtator

Dafina Vidishiqi

Vasfije Krasniqi kërkon solidarizim për ta kundërshtuar dhunën seksuale në luftë

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...