Jack Grealish ka pasur një debutim ëndrrash të mërkurën mbrëma në Ligën e Kampionëve, duke shënuar një gol individual fantastik në ndeshjen e Manchester Cityt me RB Leipzig në Etihad.
City e nisi mirë sezonin e ri në Ligën e Kampionëve duke marrë një fitore 6-3 në trilerin e nëntë golave ndaj RB Leipzig.
Megjithatë, goli që po diskutohet më shumë është ai i katërti i Cityt i shënuar nga anglezi Grealish.
Ish-kapiteni i Aston Villas shënoi një gol të bukur pikërisht në debutimin e tij apo në ndeshjen e parë ndonjëherë në Ligën e Kampionëve.
Grealish mori një top të mirë gati në mesin e fushës në anën e majtë dhe pa u menduar filloi depërtimin teksa me të hyrë në zonë shënoi një gol të bukur.
Ky gol erdhi në minutën e 56-të dhe ishte për rezultatin 4-2.
Anglezi i bashkohet një grupi ekskluziv, elitar të lojtarëve që kanë shënuar në ndeshjen e parë në Ligën e Kampionëve, si Marco van Basten dhe Wayne Rooney.
