Një ekspozitë kushtuar kryeqytetit të Kinës, Pekin, është hapur në Tiranë, në kuadër të Javës Kulturore Kineze shkruan CMG.
Ekspozita “Përshëndetje, Pekin”, e hapur në ambientet e Muzeut Historik Kombëtar, në Tiranë, përmban fotografi të kryeqytetit të Kinës ndër shekuj, ku pasqyrohen ndryshimet dhe zhvillimet e Pekinit.
Pjesë e ekspozitës janë dhjetëra fotografi me tematika të ndryshme mbi jetën kulturore në Pekin, ndërtesat simbol dhe mbi trashëgiminë kulturore të Pekinit. Kjo ekspozitë do të qëndrojë e hapur për vizitorët deri në datën 1 tetor, që përkon dhe me Ditën Kombëtare të Kinës.
Qytetarë të ndryshëm dhe turistë të huaj kanë vizituar ekspozitën që në ditën e parë të hapjes më 25 shtator.
