Sofje, 29 nëntor – Zëvendës kryeministri bullgar Krasimir Karakachanov tha në një intervistë televizive sot se Bullgaria do të vazhdojë të mbrojë interesat e saj kombëtare, pavarësisht nga fakti që, siç tha ai, kishte faktorë të jashtëm që përpiqeshin të bindnin udhëheqjen bullgare të hiqte bllokadën ndaj Maqedonisë.
– Nuk mund të them që kemi presion për të ndryshuar mendimin tonë, por do të them se ka faktorë të jashtëm që na bindin, edhe pse jo unë personalisht. Unë nuk besoj se Borisov do të përkulë qëndrimin e tij,” përfundoi Karakachanov.
Disa vende në BE preferojnë që Maqedonia të jetë pjesë e Bashkimit Europian për shkak të interesave gjeostrategjike, por ministri i mbrojtjes beson se kjo nuk mund të ndodhë duke neglizhuar interesat bullgare.
– Nuk mendoj se jemi keqkuptuar nga partnerët europianë. Bullgaria kurrë nuk ka dhënë mbështetje të parezervë. Ne thamë në Shkup se nëse nuk respektohet Marrëveshja, nuk do të ketë hyrje në BE, pretendon ai.
