Katër persona arrestohen në Shqipëri, akuzohen për shpërndarje dhe kultivim të lëndëve narkotike

Katër persona kanë rënë në prangat e policisë së Shkodrës të akuzuar për shpërndarje dhe kultivim të lëndëve narkotike.

 

Policia bën me dije se në kuadër të operacionit të koduar Bena është bërë i mundur arrestimi i një 40 vjeçari për shpërndarje të dozave të forta.

Gjithashtu në kuadër të këtij operacioni është bërë i mundur dhe arrestimi i dy vëllezërve në Vaun e Dejës , shtetasit E.K., 25 vjeç , E.K., 22 vjeç të cilët dyshohen se kanë tentuar disa herë që të kultivuar lëndë narkotike.

I arrestuar në këtë operacion është dhe një 44 vjeçar i akuzuar për kultivim narkotikësh.

Ndërkaq policia ka bërë të mundur sekuestrimun e 19.5 kilogramë lëndë narkotike cannabis sativa si dhe doza me lëndë narkotike kokainë.

Njoftimi i plotë:

DVP Shkodër /Vijojnë kontrollet masive të territorit me qëllim parandalimin, evidentimin dhe goditjen e veprimtarisë kriminale në fushën e kultivimit të bimëve narkotike.

Finalizohet me sukses operacioni policor i koduar “Bena” , arrestohen në flagrancë 3 shtetas për kultivim të bimëve narkotike.

Vihet në prangat e Policisë dhe një 40-vjeçar, për shpërndarje në doza të drogave të forta.

Sekuestrohen 19.5 kilogramë lëndë narkotike cannabis sativa si dhe doza me lëndë narkotike kokainë.

Në zbatim të planit të masave për kontrollin e territorit, me qëllim parandalimin dhe goditjen e rasteve të tentativave për kultivim të kanabisit, shërbimet e Komisariatit të Policisë Vau Dejës, në bashkëpunim me DVP Shkodër kanë ushtruar kontrolle në sipërfaqe të pyllëzuara, banesa të braktisura apo ish-reparte ushtarake, dhe nën drejtimin e Prokurorisë Shkodër , bazuar dhe në informacionet e marra në rrugë operative, kanë organizuar dhe finalizuar operacionin policor të koduar “Bena”, si rezulat i të cilit u ndaluan shtetasit E.K., 25 vjeç , E.K., 22 vjeç, (vëllezër), banues në fshatin Benë, Vau Dejës.

Nga hetimet e kryera ka rezultuar se shtetasit e lartëpërmendur, janë autorët e dyshuar të disa rasteve të tentativës për kultivim të kanabisit në fshatin Benë, Njësia Administrative Shllak, Bashkia Vau Dejës.

Po në vijim të operacionit të koduar “Bena”, nga shërbimet e Komisariatit të Policisë Vau Dejës, u arrestua në flagrancë shtetasi Gj.D., 44 vjeç , banues në fshatin Kosmaç, Vau Dejës, pasi nga kontrolli i ushtruar nga shërbimet e policisë në një serë në pronën e tij u gjetën të kultivuara disa bimë narkotike kanabis. Gjithashtu gjatë kontrollit shëbimet e Policisë gjetën dhe sekuestruan në cilësinë e provës materiale dhe 19.5 kilogramë lëndë narkotike cannabis sativa.

Gjithashtu po në vijim të operacionit nga specialistët për Hetimin e Trafiqeve dhe Narkotikëve në DVP Shkodër u arrestua në flagrancë shtetasi N.D., 40 vjeç banues në fshatin Bleran, pasi në sheshin “Prekë Cali” Shkodër , gjatë kontrollit të ushtruar në automjetin që drejtohej nga shtetasi i lartëpërmendur iu gjetën të fshehura disa doza të vogla të dyshuara lëndë narkotike e llojit kokainë dhe një shumë eurosh, të cilat u sekuestruan në cilësinë e provës materiale. Nga hetimet paraprake të kryera bazuar dhe në informacionet e marra në rrugë operative dyshohet se ky shtetas merrej me shpërndarje në doza të vogla të drogave të forta kryesisht kokainë.

Materialet procedurale në ngarkim të shtetasve të lartëpërmendur i kaluan Prokurorisë pranë Gjykatës së Shkallës së Parë Shkodër, për veprime të mëtejshme.

Related posts

Një person nga Shqipëria vdes në Ohër

D V

Paraburgim një mujor ndaj dy zyrtarëve të komunës së Vitisë

N E

Vrasja e 50 vjeçarit në Gjilan, policia arreston tre persona

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com