Katër persona të vdekur nga zjarret pyjore në Turqi

Numri i të vdekurve nga zjarret pyjore në brigjet jugore të Turqisë ka arritur në katër, ndërkohë që zjarrfikësit po luftojnë me flakët për të tretën ditë me radhë.

 

Të premten është raportuar për evakuim të dhjetëra fshatrave dhe disa hoteleve.

Më shumë se 60 zjarre janë përhapur në 17 provinca në brigjet e Egjeut dhe Mesdheut në Turqi, kanë thënë zyrtarët.

Zyrtarët janë zotuar se do të mbajnë përgjegjës ata që kanë nisur këto zjarre.

Fshatrat dhe disa hotele janë evakuuar në zonat me shumë turistë.

Minstri për Pyje, Bekir Pakdemirli, ka thënë se zjarret janë ende duke u ndezur në rajonin e Antalisë dhe provincën Mugla.

“Ne kemi shpresuar se do të ndalim disa zjarre në këtë mëngjes mirëpo nuk mund të them se i kemi nën kontroll”, ka thënë ai.

Zjarret kanë nisur edhe në rajon, meqë për 40 të tilla është raportuar në Greqi, në 24 orët e fundit.

Fryma përhap zjarr shkatërrues në Turqi
FotogaleriFryma përhap zjarr shkatërrues në Turqi

Autoritetet greke kanë thënë se ato janë nxitur nga temperaturat e larta dhe erërat.

Disa zjarre në veri të Athinës, është raportur të kenë dëmtuar dhjetëra shtëpi, para se të viheshin nën kontroll.

Zjarre janë raportuar edhe në Liban këtë javë, duke lënë të vdekur të paktën një zjarrfikës.

Related posts

Drejtori i CIA-s takohet me Talebanët, ndërsa rritet vala e të evakuuarve nga Afganistani

N E

Austria muajin e kaluar regjistroi më shumë vetura hibride dhe elektrike sesa me benzinë ose naftë

D V

Shkon në 30 numri i të vdekurve nga rrëshqitja e dheut në Indi pas shiut të madh

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com