Agjencia Zhurnal.mk
Maqedoni TOP LAJM

KE: Mosplotësimi i kritereve mund të çojë në heqjen e regjimit pa viza

Bruksel, 12 prill – Komisioni Evropian nuk jep komente për rastin e pasaportave të falsifikuara nga Maqedonia e Veriut, por përkujton se rregullisht rishikon kriteret për regjimin pa viza, njoftoi korrespondentja e MIA-s nga Brukseli.

Pas spekulimeve publike se Maqedonia e Veriut mund të humbasë regjimin e saj pa viza me BE-në për shkak të pasaportave të falsifikuara në MPB-në, Komisioni Evropian rikujton se siguria e dokumenteve personale është thelbësore.

“Ajo që mund të themi është se çështja e sigurisë së dokumentit është një nga kushtet për liberalizimin e vizave, sipas të cilit vendet pa viza kanë detyrimin të miratojnë dhe zbatojnë masat e duhura administrative”, u përgjigjen për MIA-n nga shërbimi zëdhënës i Komisionit Evropian.

Nga atje shtojnë se përmbushja e kushteve për regjimin pa viza është nën mbikëqyrje të vazhdueshme dhe çdo vit dorëzohet raporti mbi situatën me këto kritere Parlamentit dhe Këshillit për secilin vend që është e lirë nga vizat me BE.

“Bazuar në këto raporte, Komisioni Evropian bën rekomandime. Mosplotësimi për ta bërë këtë mund të jetë arsye për aktivizimin e mekanizmit të pezullimit të vizave, por pezullimi i heqjes së vizës nuk është proces automatik. Komisioni duhet të marrë parasysh të gjitha pasojat e mundshme të heqjes së vizës për marrëdhëniet e jashtme të BE-së dhe shteteve të tij anëtare, si dhe situatën e të drejtave të njeriut në vendet që nuk janë anëtare të BE-së”, shpjegoi Komisioni Evropian.

Nga momenti i publikimit të këtij lajmi, nuk ka përgjigje konkrete nëse ndonjë nga kriteret për regjimin pa viza është i rrezikuar pas aferës me pasaporta të falsifikuara në Maqedoninë e Veriut, MIA do të publikojë detaje shtesë posa t’i marrë nga Komisioni Evropian.

Postime të ngjashme

Ka filluar regjistrimi i nxënësve në klasën e parë për vitin e ardhshëm shkollor në “Jahja Kemal”

R Zh

Najçevska: BE të zgjidhë problemin midis Bullgarisë dhe Maqedonisë

R Zh

Zgjerohet hetimi për Rashkovskin

R Zh

Zgjerimi/ Komisioneri Varhelyi: Ecim përpara me Shqipërinë, e veçojmë nga Maqedonia e Veriut

R Zh

UT dhe Universiteti Iowa nga SHBA-ja nënshkruan memorandum bashkëpunimi

R Zh

Komuna Çair përfundon dezinfektimi i 25 xhamive

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...