Agjencia Zhurnal.mk
Maqedoni TOP LAJM

KE nuk i komenton deklaratat e Zaharievës për Titon, rikujton se kushtet për në BE janë të qarta

Bruksel, 16 nëntor, zhurnal.mk – Zëdhënësja e Komisionit Evropian (KE), Ana Pisonero, deklaroi se Komisioni akoma shpreson se negociatat me Maqedoninë e Veriut do të fillojnë sa më shpejt të jetë e mundur, por nuk pranoi t’i komentonte deklaratat e ministres së Punëve të Jashtme të Bullgarisë, Ekaterina Zaharieva lidhur me historinë jugosllave të vendit, njoftoi korrespondentja e MIA-s nga Brukseli.

Pas deklaratës, Zaharieva tha që “kremtimi i Titos” ishte i papajtueshëm me BE-në, Pisonero tha se Komisioni “nuk komenton komente”, por shtoi se “kushtet për anëtarësimin në BE janë mjaft të qarta”.

Bllokada e paralajmëruar nga Bullgaria në takimin ministror të nesërm në të cilën duhet të miratohet korniza negociuese e BE-së me Maqedoninë e Veriut nuk e dekurajon Komisionin Evropian.

“Pozicioni ynë është i qartë, Komisioni Evropian është i përkushtuar për ta mbajtur konferencën e parë ndërqeveritare sa më shpejt të jetë e mundur, që të ndodhë kjo, të gjithë janë të vetëdijshëm se është e nevojshme një marrëveshje në Këshill (vendet anëtare), është e pamundur të parashikohet, por është e qartë që ne i inkurajojmë të dy palët t’i forcojnë përpjekjet e tyre për të gjetur një zgjidhje”, deklaroi një zëdhënëse në konferencën e sotme të rregullt në Komisionin Evropian.

Ajo konfirmoi se Komisioni mbetet në kontakt me Presidencën gjermane, qëllimi i së cilës është t’i fillojë negociatat me Maqedoninë e Veriut deri në fund të këtij viti, ndërsa në të njëjtën kohë Komisioni vazhdon të kontaktojë edhe me Shkupin edhe me Sofjen.

Sa i përket kërkesës së Bullgarisë për të shtuar një kapitull në negociatat me Maqedoninë e Veriut në të cilat do të përfshiheshin kërkesat bullgare, Pisonero nuk deshi të komentonte.

“Ne nuk i komentojmë pikëpamjet individuale të vendeve anëtare, na duhet marrëveshje mbi tekstin nga të gjitha vendet anëtare, Komisioni e paraqiti propozimin e tij në korrik dhe ai do të publikohet vetëm pasi të ketë një marrëveshje në Këshill”, deklaroi Pisonero.

Sipas diplomatëve në Bruksel, një iniciativë e re e presidencës gjermane pritet shumë shpejt, në ditët në vijim, që të afrohen pozicionet e Shkupit dhe Sofjes me shpresën se konferenca e parë ndërqeveritare mund të mbahet para fundit të presidencës gjermane me BE-në, por shpresat janë të vogla. Diplomatët nga vendet anëtare për MIA-n thonë se pozicioni i Bullgarisë është “shumë i fortë” dhe është e mundur që çështja të shtyhet deri pas zgjedhjeve në Bullgari të cilat do të mbahen në mars të vitit të ardhshëm.

Postime të ngjashme

Arjanit Hoxha takim pune me kolegun e tij turk, Bekir Pakdemirli

Bexhet Musliu

Fillon qarkullimi i pagesave në Postën e RMV-së

Bexhet Musliu

INTERVISTË, TEUTA ARIFI: Të punojmë gjithë së bashku për mbrojtjen e mjedisit

Bexhet Musliu

ASH reagon ashpër ndaj sjelljes së policisë gjatë protestave

T E

Zv. Drejtor Selami me informatë të rëndësishme për obliguesit e tatimit vjetor

Bexhet Musliu

Shkupi dhe Tirana do të shkëmbejnë të dhënat në mënyrë të automatizuar

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...